اسلام آباد۔3جولائی(اے پی پی) مزن وزیر ءِ ھاسیں کمک کار آصف کرمانی ءَ گشتگ کہ گتر ءِ شہزادگ ءِ تاں بیانءِ ریکارڈءَ جے آئی ٹی ءِ رپورٹ سرجم نہ بیت۔شہزادگ ءِ بیان ءَ را ریکارڈ کنگءِ ھاترءَ جے آئی ٹی ءَ را گترءَ رؤگ لوٹ ایت۔ مزن وزیر ءِ بچ حسن نواز ءِ پیشی ءِ وھدءَ فیڈرل جوڈیشل اکیڈمی ءِ ڈنءَ ھال درءِ گوما گپءُ تران کنانءَ آئیءَ گشتگ کہ شریف ھاندانءَ چہ کہ کاگد لوٹگ بوتگ اَنت آئی ءِ تصدیق بوتگیں کاپی شاہ آمید گس ءَ جم کتگ اَنت بلے نوں جے آئی ٹی ءَ ھم ھمیں کاگد لوٹ اِتگ اَنت چوناھا اے کاگد شاہ آمیدگسءَ چہ ھم دست کپ اَنت۔ آصف کرمانی ءَ گشتگ کہ گتر ءِ شہزادگ ءَ نمدی دیم داتگ ءُ تصدیق کتگ ایشیءَ پد جے آئی ٹی ءَ گتر ءَ شتگءُ شہزادگءِ بیان ریکارڈ کنگءِ سرءَ ھیال کتگ، آدیمءَ شہزادگ ءَ ھم نمدی نبشتہ کتگءُ گشتگ کہ شما گپ کنگءِ ھاترءَ وتءَ را سر بہ کن اِنت بلے اے دیمءَ چہ اھچ سُرءُ پُر نہ بوتگ۔ آئیءَ گشتگ کہ جے آئی ٹی ءِ رپورٹ تاں اے وھدءَ سرجم نہ بیت وھدے کہ گترءِ شہزادگ ءِ بیان ریکارڈکنگ مہ بیت اگاں نہ مئے تکانسری ءُ تحفظات گیش بنت۔
