اسلام آباد۔ 23 ستمبر (اے پی پی) بنجائی وزیر مذہبی امور و بین المذاہب ہم آہنگی چوہدری سالک حسین پارینے کہ مچ آ قوم ءِ سپریم کورٹ اٹی مبارک ثانی نا کیس انا سرجم فیصلہ نا انتظار ءِ، ختم نبوت آ ایمان ہرمسلمان نا ایمان نا بنداوی جزوءِ۔ دین انااصل راہشونک عالم دین و مشائخ عظام آک ءُ نئے کہ ہموفک ہرا ریاست نا برخلاف توفک ہرفسا پیری کُننگ ءُ، پوسکن آ چین ءِ رکھوک ءُ آخبت اس تننگ کن حکومت ، ادارہ و عالم دین تے اواری اٹ کاریم کروئی ءِ۔ دوشنبے نادے آ داخیال آتا درشانی ءِ بنجائی وزیرمذہبی امور و بین المذاہب ہم آہنگی چوہدری سالک حسین عالم دین تتون اوڑدہی ٹی کرے۔ بنجائی وزیرپارے کہ مبارک ثانی کیس انا سرجم فیصلہ نا مچ آ قوم انتظار اٹی ءِ، سرجم فیصلہ ءِ زوت جاری کننگے، ختم نبوت آ ایمان ہرمسلمان نا ایمان نا بنداوی جزو ءِ۔ دہشت گردی نا چٹفنگ کن عالم دین و ایلو مذہب آتا راہشون تتون سلابت نا بناءِ کرینن۔ ننے ہراخاخر اٹی دِکہ تننگ انگ ءِ، ننے اوڑآن پیش تموئی ءِ۔ عالم دین و ایلو راہشون تا کمک اٹ نن داخاخرآن پیش تمنگ کینہ۔ دین انا اصل راہشون عالم دین و مشائخ عظام آک ءُ نئے کہ ہموفک ہرا ریاست نا برخلاف توفک ہرفسا پیری کُننگ ءُ ، پوسکن ءِ چین ءِ رکھوک ءُ آخبت اس تننگ کن حکومت، ادارہ و عالم دین تے اواری اٹ کاریم کروئی ءِ، عالم دین و مشائخ عظام آک ملک اٹی انتہاپسند و دہشت گرد آتا بیانیہ ءِ یکسر مسترد کریر۔ اسلام و دین ءِ کاریم اٹ اتسا مخلوق ءِ ریفسا دہشت گردی ٹی اوار زموار آتا کسر ءِ توروئی مریک۔ ریاست نا برخلاف سلہہ ہرفوک آ بندغ یا تنظیم دہشت گرد ءُ۔ ننے ملک اناخاطر دہشت گردی نا لعنت نا برخلاف یکجامروئی ءِ۔ عالم دینک یکجہتی و سیوت نا کلہو ایترہ تو اونا اثر بھاز زیات مریک و سوگو ءُ کلہو اس کاہک۔ ننے اسلام نا پن انا غلط کاریم اٹ اتنگ ءِ بندکرفوئی ءِ، دہشت گردی نا بابت عالم دین تا سلاہ تیا عملدرآمد ہم کرفنگک۔ بنجائی وزیر تون اوڑدہی کروک آتیٹی جمعیت اہل حدیث نا راہشون حافظ فاروق اعوان، باسک اسلامی نظریاتی کونسل آغاافتخار نقوی، جہانی اسلامی یونیورسٹی نا ڈائریکٹر جنرل پروفیسر ضیاء الحق و مولانا عمران عطاری ئسک اوار ئسر۔
