اسلام آباد۔ 23 ستمبر (اے پی پی) بنجائی وزیر داخلہ محسن نقوی سعودی سفیر نواف بن سعید احمد المالکی تون اوڑدہی کرے ہراٹی سعودی عرب نا شاہی خاہوت و الس کن نیک است خواہی نا درشانی ءِ کرے ۔ سعودی سفیر سفارت خانہ غا بننگ آ بنجائی وزیر داخلہ محسن نقوی اودے جم وجوش اٹ بخیرکرے۔ بنجائی وزیر داخلہ سعودی سفیر تون اوڑدہی کرے و سعودی عرب نا قومی دے آ سعودی عرب نا سفیر ءِ مبارکبادی تس۔ بنجائی وزیر داخلہ محسن نقوی مشکل نا ہرساہت اٹی پبی کمکاری آ سعودی عرب نا حکومت و سفیر نا منت واری ءِ ہرفسا پارے کہ سعودی عرب ہرآزمائشت اٹی پاکستان تون پورو تفینے۔ نوکاپ مرے یا زمی جمب، زرگزرانی مشکل یا پین باندات اس، سعودی عرب نا بے پناہ کمکاری نا درور ملیپک۔ محسن نقوی پارے کہ سعودی عرب تون ہرمسلمان ءِ خاص عقیدت ءِ۔ اوپارے کہ سعودی عرب مشکل آتیٹی پاکستان تون پبی تفینے، ہرپاکستان ءِ سعودی عرب تون تاریخی سنگتی آ نازءِ۔ سعودی سفیر پارے کہ پاکستان تون تعلقداری ءِ بھاز اہمیت ایتنہ، پاکستان ننا ایلم ملک ءِ۔
