اسلام آباد۔ 23ستمبر (اے پی پی) انسٹی ٹیوٹ آف اسٹریٹجک سٹڈیز اسلام آباد(آئی ایس ایس آئی) ہنس سیڈیل فاؤنڈیشن نا کمک اٹ 26 ستمبر آ اسہ جہانی کانفرنس اسے نا مہمانداری ءِ کیک ۔ کانفرنس نا سرحال ’’نیویگیٹنگ پاکستان کلائمیٹ ایکشن پاتھ: اڈپٹیشن ، فنانس اینڈ ٹیکنالوجی ‘‘ ءِ ہرانا اڈتننگ نا مسخت آذربائیجان نا شار باکو ٹی کاپ 29 اٹی پاکستان نا موسمیاتی حکمت عملی آ ماہرانہ گپ و تران کن اسہ پلیٹ فارم اس فراوان کننگ ءِ، ہراڑے جہانی موسمیاتی مالیت آ چکار کننگک۔ کانفرنس اٹی تعلیم نا چاہندار ، اسکالر، موسمیاتی چاہندار و فیصلہ ساز شخصیت آک پاکستان نا مون آبروک موسمیاتی حکمت عملی نا گہرائی اٹ جاچ ءِ ہلیرہ ہرافتے ٹی موسمیاتی تخفیف و موافقت، جہانی موسمیاتی فنانس و گرین ٹرانزیشن نا چیلنج آک اوار ءُ۔ کانفرنس اٹی سفارتی برادری نا نمائندہ، اکیڈمیا تھنک ٹینکس ، سول سوسائٹی و میڈیا نا باسک آتیان بیدس طالب علم آک بشخ ہلیرہ۔
