پاکستان و سعودی عرب نا نیام اٹ دینی و دودوربیدہ ئی قدر آ تالان تاریخی تعلقداری ءِ، وزیراعظم شہباز شریف نا سعودی عرب نا قومی دے انا وخت آ تہنیتی کلہو

لندن۔ 23 ستمبر(اے پی پی) وزیراعظم محمد شہباز شریف پارینے کہ پاکستان و سعودی عرب نا نیام اٹ دینی و دودوربیدہ ئی قدر آ تالان تاریخی تعلقداری ءِ، پاکستان وسعودی عرب غٹ مشکل آتیٹی اسہ ایلو تون تفینو، پاکستان نا زرگزران نا ساڑی آ سوگوی ٹی کمکاری کن مچ آ قوم سعودی عرب نا منت وار ءِ۔ دوشنبے نادے آ وزیراعظم آفس نا میڈیا ونگ آن جاری بیان نا رداٹ وزیراعظم سعودی عرب نا 94 می قومی دے انا وخت آ مبارکبادی ترسا پارینے کہ شاہ سلمان بن عبدالعزیز و شہزادہ محمد بن سلمان نا کماشی ٹی سعودی عرب بیست ءُ یک می صدی نا عظیم ملک انا حیثیت اٹ مون آ بسنے۔ سعودی عرب نا وژن 2030 مچ آ دنیا کن مثالی نمونہ سے۔ اینو نا دور اٹی سعودی عرب کاروبار، ٹیکنالوجی، زرگزران و ایلو بشخ آتیٹی پدتموک ملک آتا مثالی کماشی ءِ کننگ ءِ ۔ وزیراعظم پارے کہ پاکستان و سعودی عرب نا نیام اٹ دینی و دودوربیدہ ئی قدر آتالان تاریخی تعلقداری ءِ۔ پاکستان و سعودی عرب غٹ مشکل آتیٹی اسہ ایلو تون تفینو۔ پاکستان نا زرگزران نا ساڑی آ سوگوی ٹی کمکاری کن مچ آ قوم سعودی عرب نا منت وار ءِ۔ پاکستان و سعودی عرب نا نیام اٹ ایلمی تعلقداری انشاء اللہ مدام برجاسلک ۔