کوئٹہ۔03جولائی (اے پی پی) جماعت اسلامی بلوچستان ءِ امیر مولانا عبدالحق ہاشمی ، بنجاھی مجلس شوریٰ ءِ باسک عبدالمتین اخونذادہ، بشیر احمد ماندائی، صوبائی جنرل سیکرٹری مولانا ہدایت الرحمن بلوچءَ جماعت اسلامی بلوچستان ءِ پیسرگیں امیر عبدالمجید خانءِ بچ کرنل (ر) عبدالمجیب خانءِ بیرانیءِ سرءَ دلءِ جہلانکءَ گمءُ اپسوز ءِ درشانی کتگءُ ھُدا مُرزی ءِ ھاندان ءَ گوں دلپدردی ءِ درشانی ءُ ھمدردی ءِ درشانی کتگءُ آئی ءِ جوانیں آکبت ءُ آئی ءِ درجگانی مزنیءِ ھاترءَ دعاکتگءُ وتی اپسوزی بیانءِ تہا کرنل (ر) عبدالمجیب خانءِ تعلیمی ، سیاسی ، سماجی ءُ رفاہی ازمتءِ سرءَ آئیءَ دادءُ سلام پیش کتگءُ گشتگ کہ کوئٹہ ءُ بلوچستانءِ اُلسءِ ھاترءَ وانگءُ زانتءُ جان ءُ سلامتی ءُ دگہ پڑانی آئی ءِ ازمت دائم ءَ یات کنگ بنت تعمیر نو وانگ جاھ ءُ الخدمت نادراھ جاھ وڑیں ادارگ جوڈ کنگءُ دگہ پڑانی آئی ءِ ازمت لکھ ستاھ کرز اَنت ءُ چاگردءِ است گاریں مردمانی ھاترءَ آیک نمونگ اِت۔ آئیءِ بیرانیءَ چہ مزنیں کنڈے پچ بوتگ جماعت اسلامی بلوچستانءِ رہنما آں اُمیت کتگ کہ ھُدا مُرزی کرنل(ر) عبدالمجیب خانءِ بچ، براتءُ سرجمیں ھاندانءَ ھوار ھُدا مُرزی ءِ مشن ءِ سرجم کنگءِ ھاترءَ وتی ازمتءِ سفرءَ جاری دار اَنت، ایشی ءَ ابید بلوچستان ءِ قائدین ءُ کارکن آنی نمائدگ ڈل ھُدا مُرزی کرنل (ر) عبدالمجیب خانءِ نماز جنازہ ءُ کبرءُ کسارت کنگءَ ھوار بوتگ اَنت۔
