پاکستانءُ امریکہ ئِ درنیامئَ ترندءُ مھکمیں شریداری خطہءُ ایشیئَ چہ ڈنئَ جیڑھ ءُ جنجالاں گرءُ دار ئِ ھاترئَ ضلوری اِنت، اوگانستان ئَ مھکمیں امنءُ ایمنی ئِ ھاترئَ امریکہ ، اوگانستان ءُ پاکستانئِ درنیامئَ یک ترندءُ مھکمیں شریداری ئِ ضلورت اِنت
اسلام آباد۔3جولائی(اے پی پی) مزن وزیر محمدنواز شریف ئَ گشتگ کہ پاکستانءُ امریکہ ئِ درنیامئَ ترندءُ مھکمیں شریداری خطہ ئُ ایشی ئَ ڈنئَ جیڑھ ءُ جنجالاں گرءُ دار کنگئِ ھاترئَ ضلوری اِنت۔ آئیئَ اے گپ امریکی سینیٹ ئِ پنچ باسکی ڈلئِ گوما گپءُ تران کنانئَ کتگ کہ آھاں چیئرمین سینیٹ آرمڈ سروسز کمیٹی سینیٹر جان مکین ئِ سروکیئَ دوشمبے ئِ روچئَ آئی ئِ گوما گندءُ نند کتگ۔ ڈل ئِ تہا سینیٹر زلنڈزے گراہم (ریپبلکن) ، الزبتھ وارن( ڈیموکریٹک)، شیڈن وائٹ ہاﺅس (ڈیموکریٹ) ءُ ڈیوڈ پرڈو(ریپبلکن) ھوار بوتگ اَنت۔ مزن وزیرئِ کمک ھزانگ ئِ وزیر سینیٹر اسحاق ڈار، مزن وزیر ئِ دری کارانی صلہ کار سرتاج عزیز، راجی سلامتی ئِ صلہ کار لیفٹیننٹ جنرل (ر) ناصرجنجوعہ ءُدگہ سینئر حکام ئَ کتگ۔ مزن وزیر محمدنواز شریف ئَ دوھیں ایوا ن آنی باسکانی سرئَ جوڈ بوتگیں مزن تک ئِ ڈل ئَ را وش اَتک کتگءُ گشتگ کہ درا بھریں مدت ءُ سٹرٹیجک اتحادی بوھگئِ ارزشتئَ پاکستانءُ امریکہ ئِ درنیامئَ ترندءُ مھکمیں شریداری خطہ ءُ ایشی ئَ ڈنءَ جیڑھءُ جنجالاں گرءُ دار کنگئِ ھاترئَ ضلوری اِنت۔ مزن وزیرئَ ڈل ئَ را ناشرکاری ئَ را گرءُ دار کنگئِ ھاترئَ گوستگیں چار سالانی تہا وتی حکومتئِ کوشستانی باروا سرپد کتگءُ گشتگ کہ پاکستان ئِ تہا سیکیورٹی جاورھال ئَ چہ اے ھوالگئَ حاصل بوتگیں سوبمندی چارگ بنت۔ مزن وزیر ئَ پاکستان ئِ اقتصادی جاورھال ئِ گہتری ئَ را ھم پدر کتگ کہ ایشی ئِ درشانی پاکستانئِ تہا زرکاری ئِ گیش بوتگیں ھدوکی ءُ آھانی اوست کنگئِ سرئَ چہ بیت۔ مزن وزیر ئَ اوگانستان ءُ بھارت ئِ گوما سیادی ئَ را گہتر کنگئِ ھاترئَ کتگیں بازیں گامگیجاناں ھم پدر کتگءُ گشتگ کہ جوانیں ھمسائیگی ئِ ھاترئَ مئے حکومتئَ جزم کتگ۔آئی ئَ کشمیر کاز ئِ ارزشتئَ را پدر کتگءُ میاں اوستمانی براتی ھاس امریکہ ئِ سرئَ زور پر داتگ کہ آ بھارت ئِ کبسئَ جموں ءُ کشمیر ئِ اُلسئِ جیڑھءُ جنجال ئِ ھلاسی ئِ ھاترئَ وتی کردئَ پیلو بہ کنت۔ مزن وزیر محمد نواز شریف ئِ گوما گپءُ تران کنانئَ سینیٹر جان مکین ئَ تپاک کتگ کہ خطہ ئِ تہا امن ءُایمنی ءُ مھکمی ئِ ھاترئَ پاکستان ءُ امریک ئِ درنیامئَ نزیکیں کمک ئِ تسلسل ناگریز اِنت۔ آئی ئَ گشتگ کہ امریکہ پاکستان ئِ گوما وتی سیادی ئَ را باز ارزشت دنت، پاکستان امریکہ ئِ نزیکیں دوستءُ منوک اِنت۔ امریکی سینیٹر آں ناشرکاری ئِ ھلاپئِ جنگئَ پاکستانئِ قربانی ءُ کردءُ حاصل کتگیں سوبمندی ساڑاتگ اَنت۔ امریکی سینیٹر آں پاکستان ئَ اقتصادی بحالی ئَ راھم ساڑاتگ ءُ یکے دومی ئِ پاھدگ ئِ ھاترئَ بیپاری ءُ زرکاری کمک ئِ ارزشتئِ سرئَ زورپِرداتگ۔
