اسلام آباد۔20ستمبر (اے پی پی):صدر مملکت آصف علی زرداری ءَ گوریچانی ءُ زر باری وزیرستان ءَ درئی ناشرکار آنی ھلاپ ءَ کاروائی کنگ ءِ پد ءَ سیکورٹی فورسز آناں توسیپ ءُ ستا پیش کتگ ءُ گوشتگ کہ سرجمیں راج نا شرکار آنی سر گچل کنگ ءِ ولستہ سیکورٹی فورسز آنی گوما انت۔ ایوان ءِ صدر ءِ پریس ونگ ءِ رد ءَملک ءِ مستر ءَ گوریچانی ءُ زر باری وزیرستان ءَ جتا جتائیں ارش آنی ساھت ءَ درئی ناشرکار آناں جہندم ءَ روان دتگ ایشی ءِ پد ءَ توسیپ ءُ ستا پیش کتگ ءُ درئی ناشرکاری آنی سرجمیں ھلاسی ءِ راجی جزم ءِ درشان کتگ۔ صدر مملکت ءَ کاروائی آنی ساھت ءَ وتی جان آنی قربانی ءَ پیش کنوکیں ورنا آناں توسیپ ءُ ستا پیش کتگ ءُ گوشتگ کہ ملک ءِ واستہ وتی جان آناں ندر کنوکیں ورنا آنی قربانی مپت ءَ نہ رونت۔ ملک ءِ مست ءَ اے جزم ءِ درشان کت کہ ناشرکاری ءَ را چہ بن چلوک ءَ ھلاسی ءِ وستہ سیکورٹی فورسز آنی کاروائی آناں جاڑی داراں ، آئی ءَ گوشت کہ سرجمیں راج ناشرکار آنی سر گچل کنگ ءِ واستہ سیکورٹی فورسز آنی گوما انت۔ صدر ءَ شہید آنی گس ءِ مردم آنی گوما دلپدری ءِ درشان ھم کت ءُ شہید بوتگیں مردم آنی وستہ دعا نیک کت۔
