اسلام آباد۔ 20 ستمبر (اے پی پی) صدر مملکت آصف علی زرداری قطبی و سویلی وزیرستان اٹی فتنہ الخوارج نا برخلاف کارروائی کننگ آ سیکورٹی فورس آتے خراج تحسین پیش کرساپارینے کہ مچ آ قوم دہشت گرد آتا سرکوبی کن سیکورٹی فورس آتون تفوک ءُ۔ ایوان صدر نا پریس ونگ انا کنڈآن جاری بیان نار داٹ صدر مملکت قطبی و سویلی وزیرستان اٹی چندی جھیڑہ غاتیٹی خوارجی دہشت گرد آتے جہنمی کننگ آ فورس آتا ستا ءِ کرے و فتنہ الخوارج نا پورو چٹفنگ نا قومی عزم انا درشانی ءِ کرے۔ صدر مملکت کارروائی تیٹی جان نا قربانی پیش کروک آ ورناتے خراج عقیدت پیش کرے و پارےکہ ملک اکن جون تے ندر کروک آ ورناتا قربانیک زیان مفسہ۔ صدر مملکت داعزم انا درشانی ءِ کرے کہ دہشت گردی نا ناسور ءِ ماس کش کننگ کن سیکورٹی فورس آک کارروائی تے برجاتخرہ۔اوپارے کہ مچ آ قوم دہشت گرد آتا سرکوبی کن سیکورٹی فورس آتون تفوک ءُ۔، صدر مملکت شہید آتا خاہوت آتون ہڑزخواہی نا درشانی ءِ ہم کرے و شہید آتیکن درجہ غاتا بڑزی کن دعاکرے۔
