اسلام آباد۔ 19 ستمبر (اے پی پی) بنجائی وزیر واپار جام کمال خان و بنجائی وزیر صنعت و پیدوار و قومی غذائی رکھ رانا تنویرحسین وزارت واپار اٹی روس انا نائب وزیر کشت وکشار سرگئی لیون تون اوڑدہی کریر۔ پنچ شنبے نادے آ جاری اعلامیہ نا رداٹ اوڑدہی ٹی تین پہ تینی است خواہی نا امور و پاکستان و روس انا نیام اٹ ہڑتوم آکنڈآتا واپار ءِ ودفنگ خاص وڑاٹ کشاری بشخ آ چکار کننگا۔ ہڑتوم آ کنڈآک جوزہ خیرخواہی نا وڑاٹ اسہ ایلو ءِ ٹیکی تسر، ہڑتوم آملک آتا نیام اٹ واپاری تعلقداری تے سوگو کننگ نا تینا عزم انا درشانی ءِ کریر۔
