کوئٹہ۔ 19 ستمبر (اے پی پی) بلوچستان نا وزیر لائیو اسٹاک اینڈ ڈیری ڈویلپمنٹ بخت محمد کاکڑ ورلڈ ٹائٹل ءِ تینا پن آ کننگ آ شاہ زیب رند ءِ مبارکبادی ترساپارینے کہ ننے شاہ زیب رند نا شاندار سرسہبی آ گمر ءِ۔ شاہ زیب رند برازیلین حریف ءِ شکست ترسا مچ آپاکستانی قوم نا پن ءِ روشناکرے۔ پنچ شنبے نادے آ تینا بیان اٹی بلوچستان نا وزیر لائیو اسٹاک اینڈ ڈیری ڈویلپمنٹ بخت محمد کاکڑ پارے کہ پاکستانی فائٹر ناسرسہبی ورناتیکن کسرنا ڈیواءِ، شاہ زیب رند نا پدریسہ سرسہبی ملک انا شرف ءِ ودفنگ ءِ، شاہ زیب رند انا سرسہبی آن دنیا ٹی پاکستان نا مثبت دروشم تالان مسنے۔ اوپارے کہ شاہ زیب رند انا خواری و عزم ستاکڑزک، شاہ زیب رند تینا چاہنداری اٹ جہانی کہول آ پاکستان ءِ نمان کرے۔ پاکستانی ورناتیکن شاہ زیب رند انا سرسہبی اسہ درور اسے۔
