اسلام آباد۔18ستمبر (اے پی پی): بنجاھی وزیر برائے صنعت ءُ پیداوار رانا تنویر حسین ءَ گوں روسی فیڈریشن ءِ نائب وزیر صنعت ءُ تجارت الیکسی گرزدیو ءَ گند ءُ نند کت۔ چار شمبے ءِ روچ ءَ جاڑیں بوتگیں جار ءِ رد ءَ گند ءُ نند ءَ صنعتی ءُ کشت ءُ کشاری شوبگ آنی تہ ءَ کمک آناں ودینگ ءِ کار آناں باست ءُ واست کنگ بوت انت۔ روس ءِ کمک ءَ چہ کراچی ءَ نوکیں اسٹیل مل آںی جوڑیشت ءِ شوبگ ءُ مشور است انت۔ دوئیں ملک آنی نیام ءَ گپ ءُ تران آنی واستہ ورکنگ گروپس آنی جوڑیشت ءِ ھوالگ ءَ تپاک کنگ بوت۔ اے موپ ءَ رانا تنویر حسین ءَ گوشت کہ پاکستان ءَ صنعتی ءُ کشت ءُ کشاری کلان آں روس ءِ تر ءُ تاب کت۔ آئی ءَ گوشت کہ کشت ءُ کشاری پیداوار آناں ودینگ ءِ واستہ نوکیں کشت ءُ کشاری مشینری ءِ ضلورت انت۔ آئیءَ گوشت کہ روس ءَ چہ سرمایہ کار آناں ملک ءَ آسراتی پجاری کنگ بیت۔ اے موہءَ روسی نائب وزیر صنعت ءُ تجارت الیکسی گرزدیو ءَ گوشت کہ روس پاکستان ءَ را نوکیں کشت ءُکشاری مشینری پجاری کنت۔
