اسلام آباد۔18ستمبر (اے پی پی): بنجاھی وزیر منصوبگ بندی احسن اقبال ءِ سروکی ءَ وزارت ءِ کلانہ ایں منیجمنٹ کمیٹی ءِ دیوان چار شمبے ءِ برجم دارگ بوت۔ دیوان ءَ وزارت منصوبگ بندی ءِ ٹوھیں کارندہ ، پروجیکٹ ڈائریکٹر ءُ جتا جتائیں شوبگ آنی سروک آں بھر زوری کت۔ دیوان ءَ بنجاھی وزیر ءَ وزارت ءِ نیمگ ءَ جاڑی بوتگیں منصوبگ ءُ شوبگ آنی کار کرد آنی سر ءَ چار ءُ تپاسی گپت۔ اے موہ ءَ احسن اقبال ءَ گوشت کہ وزارت ءِ منصوبگ بندی ءِ کار کرد آناں گہتری ءِ نتیجگ ءَ دروری جوڑ کنگ بیت۔ آئی ءَ گوشت کہ کارندہ ، شوبگ آنی سروک ءُ پروجیک دائریکٹر وتی شوبگ آنی ھوالگ ءَ سہرائیں گامگیج پیش بکنت۔ آئی ءَ گوشت کہ سی پیک سینٹر آف ایکسیپلنس ءَ را پٹ ءُ پولی بنجا ھ ءِ جوڑ کنگی انت۔ سینٹر آف ایکسیلنس سی پیک ءِ دومی فیز ءِ منصوبگ آنی واستہ پکوئی پٹ ءُ پولی چیز آنی پجاری بکنت ءُ حکومت ءِ رھشونی ءَ بکنت۔ آئی ءَ گوشت کہ چار ءُ تپاسی دیوان ءَ یک شلی آرگ ءِ ضلورت انت۔ اپسرگ شوبگ ءُ جاڑیگیں منصوبگ آںی کار کرد آنی ھوالگ ءَ سست روی ءَ را سگ ءُ او پار کشی کنگ نہ بیت۔ وتی کار کرد آنی سر ءَ چار ءُ تپاسی گرگ ءِ سیم سر آنی در جنگ دل یکیمی جوڑ کنگ بیت۔
