حکومت   صنعت   آنی    جیڈھ آنی گیواری ءِ واستہ جزمیگ انت،   رانا  مشہود  احمد  خان ءِ سوگندی  مراگش ءَ گوں  گشتانک

اسلام آباد۔18ستمبر  (اے پی پی): مزن وزیر    یوتھ   پروگرام  ءِ چیئرمین رانا  مشہود  احمد خان ءَ   گوشتگ کہ معاشی  ٹک   پازیٹیو  پیش  دارگ ءَ انت  ءُ ملک   راستیں کشک ءَ رھادگ انت۔   چار شمبے  ءَ ادا آل پاکستان ماربل   انڈسٹریز  ایسوسی  ایشن  ءِ مراگش ءَ    سوگندی   گشتانک    دیان ءَ کت  آئی  ءَ گوشت  کہ مزن وزیر  میاں  محمد  شہباز شریف   ءِ  جہد ءُ کوشست  ءَ چہ    در    ملکی  سرمایہ کار آناں ملکی معیشت  ءِ   سر ءَ دل  یکیمی  ءِ    درشان  کتگ  ءُ  2025  ءَ پاکستان ءِ    دیمروئی ءِ سال  بیت۔   آئی ءَ گوشت کہ حکومت صنعت  آنی  جیڈھ آنی  گیواری  ءِ واستہ  جزمیگ انت ءُ صنعت  آنی  جیڈھ آنی گیش ءُ گیواری ءِ واستہ  پکوئیں گامگیج  کنگ ءَ انت۔    صنعت   آناں ٹیکنالوجی  ءِ ردءَ  گامگیج  ءَ ھوار کنگ ءَ معیشت   ءِ دیمروئی   ءَ پازیٹیو رند  پد نکش  بیت۔  آئیءَ گوشت  کہ مزن وزیر  شہباز شریف   ءَ جیمز   اینڈ سٹون کمیٹی  جوڑ  کتگ  ایش توامیں اسٹیک  ہولڈر  ز آنی شور ءُ مشور ءَ چہ  دیمروئی     ءِ   رد ءَ پالیشی  جوڑ کنت۔  چیئرمین  مزن وزیر کوتھ پروگرام ءَ گوشتگ کہ   حکومت  ھمک شوبگ ءُ صنعت  ءِ  نیمگ ءَ دلگوش دیگ ءَ انت ءُ   کسانوکیں  وھد ءُ   پاس ءَ گران  بھائی  ءِ  کساس  ءَ کمی ، ترسیلات ءِ زر ءَ گیشی ءُ انفارمیشن   ٹیکنالوجی، ٹیکسٹائل  ءُ   کشت ءُ کشار  ءِ پڑ  ءَ    برآمدات     ءَ گیشی  کتگ۔ رانا  مشہود    ءَ گوشتگ کہ  حکومت  ءَ ملک ءَ را       ڈکال  بوھگ ءَ چہ رکھینتگ، ایمنی ءِ جاور  ھال   آناں   برجا  کتگ ءُ زوت   میاں اوستمانی   مالیاتی  فنڈ  آں  ابید    مالیاتی  پالیشی  جوڑ  کنگ ءَ کامیاتی  بنت۔   آئی ءَ گوشت کہ ماربل  سیکٹر  ءِ وشھالی  ءُ دیمروئی ءِ واستہ   وتی  یک شلیں کمک  کنگ ءِ دل  یکیمی  دات ءُ اقتصادی دیمروئی  ءَ را دیم ءَ ودینگ ءُ   راجی  جزم ءَ را   ودینگ ءَ ارزشت ءَ را  سہرا کت۔