اسلام آباد۔3جولائی (اے پی پی) مزن وزیر محمد نواز شریف ءَ پاک فضائیہ ءِ کسبی زاتکاری آناں ساڑاتگءُ گشتگ کہ پاکستان ءِ فوج ماتیں وطن ءِ رکھینگءِ ھاترءَ دژمنءَ را پروش دیئگءِ وسءُ واک ءَ دار اَنت ۔ آئیءَ اے گپ پاک فضائیہ ءِ سروک ایئرچیف مارشل سہیل امان ءَ دوشمبےءِ روچءَ گپءُ تران کنانءَ کتگ۔ ایئرچیف ءَ مزن وزیرءَ را پاکستان ایئرفورس ءِ آپریشنل تیاری ھاس تربینی تک ءُ پھنتانی ھوالگءَ سرپد کتگ۔ گندءُ نند ءِ تہا پی اے ایف ءِ دیمروئی حکمت عملی ءُ آیوکیں اہدافءِ ھوالگءَ گپءُ تران بوتگ۔ ھزانگءِ وزیر اسحاق ڈار ءُ مزن وزیرءِ دری کارانی صلہ کار سرتاج عزیز ھم گندءُ نندءِ تہا ساڑی بوتگ اَنت۔
