ترکمانستان  سی پیک ءِ چیر دستی ءَ گوادر  دکہ  ءَ تاں رسائی  در   جنوکیں اولی  نیامی  ایشیائی  ملک  بیت،  رپورٹ

اسلام آباد۔16ستمبر  (اے پی پی):ترکمانستان چین پاکستان اقتصادی راہداری (سی پیک)   ءِ چیر دستی ءَ گوادر  دکہ   ءَ تاں  رسائی    در جنوکیں اولی نیامی ایشیائی  ملک  بیت۔  کارندہ آنی  رد ءَ گودر  دکہ   سی پیک ءِ بنجاھ ءَ    است انت۔    ایش   چین   بیلٹ اینڈ  روڑ    گامگیج آنی     بھر  انت ایشی   ءِ چیردستی ءَ  بیجنگ  ءَ پاکستان ءَ انفراسٹرکچر    ءُ  ھاٹیگ ءِ شوبگ   ءَ     60 بلین  ڈالر  ءَ چہ گیش سوگند  کتگ۔   ایشی ءِ مول ءُ مراد  پاکستان ءَ    سڑک، ریل  گاڑی، پائپ لائن   ءُ دکہ آنی نیٹ  ورک ءَ وسیلگ ءَ چین ءَ را    گوں   بحریہ  عرب ءَ گوں   ملارینگ  ءُ اسلام آباد  ءَ   را  وتی معیشت    ءَ  گیش شاھیگانی  دیگ ءُ نوک  جوڑ  کنگ  ءَ کمک رسیت۔  ریڈیو پاکستان ءَ  رپوٹ       کتگ کہ پاکستان ءُ ترکمانستان  زوت اے رد ءَ   یک منوگری  ءِ سر ءَ سر ءَ دست چنگل  جنت۔   رپوٹ  ءَ گوشگ بوتگ کہ حکومت ءَ سی پیک  ءِ چیر دستی ءَ گوادر      پورٹ   ءُ ترکمانستان  باشی  رپورٹ ءِ  نیام   ءَ   منوگری       آنی چار ءُ تپاسی  گرگ ءِ واستہ  یک   کمیٹی ءِ جوڑ کتگ۔ پاکستان ءُ  ترکمانستان   پیسر ءَ چہ   جتا جتائیں یکجائی منصوبگ  آنی سر ءَ کار  کنگ ءَ  اَنت ، ایشانی تہ ءَ ترکمانستان – اوگانستان  –  بھارت  (تاپی)   گیس پائپ لائن  ، ریلوے   ٹریک  ءُ فائبر  کنیکٹیویٹی  ھوار انت ،  تانکہ   زر باری ءُ  نیامی ایشیا   ءَ را  ملارینگ     بہ  بیت۔  پاکستان  وتی سٹریٹجک   جیو پولیٹیکل  پوزیشن  ءَ چہ سیت چست   کنگ  ءُ  نیامی ایشیائی  ملک آناں  ایندگر      دگنیا ءِ گوما  ملارینوکیں   یک  ارزشتی ایں  تجارتےی    ءُ ٹرانزٹ  حب   ءِ  بستار ءَ    وتی   کرد ءَ را   دیم ءَ    ودینگ ءِ  امیت ءَ   دار  ائیت۔