حکومت نا آئینی قدر انا پاسداری، جمہوریت ، کانود نا حکمرانی و انسانی حق انا رکھ انا عزم غیرمتزلزل ءِ، وزیراعظم شہباز شریف نا جمہوریت نا جہانی دے آ کلہو

اسلام آباد۔ 15 ستمبر (اے پی پی) وزیراعظم محمد شہباز شریف پارینے کہ نن انسانی راج انا بنداوی و اہم قدر انا وڑاٹ جمہوریت نا سوگوی و مون آ دننگ نا عزم انا درشانی ءِ کینہ۔ وزیراعظم آفس میڈیا ونگ انا رداٹ جمہوریت نا جہانی دے آ جاری تینا کلہو اٹی وزیراعظم پارے کہ اینو وخت اس کہ مچ آ دنیا ٹی جمہوریت نا جہانی د ے ءِ اڈتننگ انگ ءِ، داوخت آنن انسانی راج انا بنداوی و اہم قدر انا وڑاٹ جمہوریت نا سوگوی و مون آ دننگ نا درشانی ءِ کینہ۔ اوپارےکہ ننا حکومت نا آئینی قدر انا پاسداری، جمہوریت، کانود نا حکمرانی و انسانی حق انا رکھ انا عزم بدل مفروک ءِ، دا جمہوری  قدر آتیا عملدرآمد ننا قومی طرزِ عمل نا عکاسی ءِ کیک، ببو ، اینونادے نن ہندن ءُ جہانی راج اسے نا جوڑ کننگ ناکوشست آتے برجاتخنگ نا عزم کینہ ہرا انصاف اٹ،بریبر و جوان مرے، تین پہ تینی کمکاری اٹ ہی نن جمہوریت نا بنداو آتے سوگو کرسا داپک کننگ کینہ کہ دااومیت نا روشنائی تون اوار اوار بروک آ چین تا شونداری نا پیش خیمہ جوڑمرے۔