وزیرداخلہ محسن   نقوی نا کچلاک اٹی بوستان روڈآ پولیس موبائل نا خڑک مروک آ بمب دھماکہ غاتا ترندی اٹ مذمت

اسلام آباد۔ 14 ستمبر (اے پی پی) وزیرداخلہ محسن نقوی کچلاک اٹی بوستان روڈ آ پولیس موبائل نا خڑک مروک آ بمب دھماکہ نا ترندی اٹ مذمت ءِ کرسا است ہسون واقعہ غا ڈکھیائی و است ہسونی نا درشانی ءِ کرینے۔ وزارت داخلہ نا کنڈآن جاری بیان اٹی  وزیرداخلہ جلہو اٹی شہید مروک آ اِرا پولیس آفیسر آتے خراج عقیدت پیش کرسافرض اناسرتننگ اٹی اوفتا قربانی تا اعتراف ءِ کرے۔ محسن نقوی شہید آتا خاہوت آتون ہمدردی نا درشانی ءِ کرسا ٹھپی آفیسر آتا زوت جان جوڑی کن دعاکرے۔ وزیرداخلہ پارے کہ نن شہید آفیسر آتا قربانی تے سلام پیش کینہ۔ اودہشت گردی نا برخلاف جنگ اٹی بلوچستان پولیس نا بے مٹ قربانی تا ستاءِ کرے۔ وزیرداخلہ محسن نقوی دہشت گردی نامقابلہ ءِ کننگ کن قوم انا بدل مفروک عزم انا درشانی ءِ کرساپارے کہ دہشت گردی ءِ شکست تننگ کن قوم انا عزمءِ متزلزل کننگ مفک۔ اوپارےکہ دامچ آ قوم انا جنگ ءِ و الس نا مخ تفی آن دا جنگ آخیریکو دہشت گرد و اوفتاکمکار آتا چٹفنگ اسکان برجاسلک۔