کراچی۔ 13 ستمبر (اے پی پی): سندھ ءِ سروزیر سید مراد علی شاہ ءَ راجی اسمبلی ءِ سیٹ این اے 171 رحیم یار خان ءِ ضمنی گچین کاری ءِ تہا پیپلز پارٹیءِ اُمیت وار مخدوم طاہر رشید ءَ را سوبمند بوھگءَ مراد بات داتگ۔ شنگ بوتگیں بیان ءِ تہا آئیءَ گشتگ کہ مخدوم طاہر رشید ءِ سوبمندی پیپلز پارٹی ءُ آئی ءِ سروکیءِ سرءَ پنجاپ ءِ اُلس ءِ اوست کنگءِ عکس کشی ایں۔ آئی ءَ گشت کہ چئیرمین بلاول بھٹو، جنوبی پنجاپ ءِ عہدگ دارءُ جیالہ آناں اے سوبمندی ءِ سرءَ مراد بات پیش کناں۔
