اسلام آباد۔13ستمبر (اے پی پی): ملک مستر آصف علی زرداری ءَ کمپنی آنی دزبندی نہ من اِتگ ءُ 9 انشورنس پالیسی ہولڈر آناں یک کروڑ 52 لکھ کلدار پُر کنگءِ پنتءُ شون کتگ۔ ایوان صدر ءِ پریس ونگ ءِ ردءَ 9 انشورنس کمپنی آں بنجاہی محتسب ءِ پیسلہ آنی حلاپءَ دزبندی داتگ بوتگ۔ انشورنش کمپنی آنی ایجنٹ آں 5 مردماناں ہمک ماہ پائدگ بوھگءِ سوگندءِ سرءَ اسکیم آنی سرءَ زر کنگءِ سکین داتگ، زرانی واتری/ پائدگ ءِ ھاترءَ ہمگرنچیں کمپنی آنی گوما نزیکی کنگءِ گپاناں نہ من اِتگ۔ ای ایف یو لائف انشورنس ءَ 4 لائف انشورنس پالیسی ہولڈر آنی حاندانی جم کتگیں ڈیتھ کلیم ہم نہ من اِتگ۔ آماچیں مردماں انشورنس محتسب ءَ را شکایت ءَ را گیشءُ گیوار کنگءِ ھاترءَ جتاہ جتاہیں دزبندی داتگ بوتگ۔ محتسب ءَ کیس گوشدارگءَ پد کمپنی آناں یک کروڑ 52 لکھ کلدار دئیگ ءِ حکم داتگ۔ ملک مسترءَ انشورنس کمپنی آنی دزبندی نہ من اتگءُ بنجاہی محتسب ءِ پیسلہ ءَ را برجم داشتگءُ آماچیں مردماناں زوت پیسہ دئیگ ءِ حکم داتگ۔
