اسلام آباد۔13ستمبر (اے پی پی): مزن گس ءِ ایوان بالا سینیٹ ءَ پاکستان مسلم لیگ(ن) ءِ مزن گسی لیڈر سینیٹر عرفان صدیقی ءَ خیبر پختونخوا ءِ سروزیرءِ نیمگءَ چہ اوگان قونصل جنرل ء َ را بے بنجاہی حکومت ءُ دری کارانی کارگسءِ شورءُ صلہ توار کنگءَ ترندیں تکانسری ءِ درشانی کتگءُ گشتگ کہ آیوکیں روچءَ آئیءَ برانز گپتگءُ اوگان قونصل جنرل ءَ گوں نزیکی کتگ ءُ آئیءَ را دعوت داتگ کہ شما مئے گورءَ بیا اِت، ما اوگان پڑءِ سرءَ گپءُتران کنگ لوٹاں بلے اے گپ نہ کتگ کہ ناشرکاری ءِ حلاپءَ زھر شانی کنگ بوتگ۔ جمعہءِ روچءَ کانودءُ انصاف ءِ صلہ کار بیرسٹر عقیل ملک ءِ ہمراہ مزن گس ءِ ڈنءَ میڈیاءَ گوں گپءُتران کتگءُ سینیٹر عرفان صدیقی ءَ گشتگ کہ ما سرپدنیاں کہ بلے شنگ کتگیں پریس ریلیز ءِ تہا ہم اے گپ ءِ بابتءَ ایچ گپ کنگ نہ بتگ کہ اوگانستان ءِ تہا کہ ناشرکاری بوھگءَ ایں کہ آئی ءِ تہا مئے سلاھ بندیں فوج، پولیس ءُ لھس مھلوک شہید بوھگءَ اَنت آیانی ھاترءَ زھرشانی گامگیج کنگ بوتگ۔ آئیءَ گشتگ کہ ناشرکاری بوھگءَ ایں کہ آئی ءِ تہا مئے سلاھ بندیں فوج، پولیس ءُ لھس مھلوک شہید بوھگءَ اَنت ۔ آئی ءَ پہ درور گشتگ کہ 1966 ءَ ہم مجیب رحمان ءَ وتی شش شئور آنی تہا سئے چیزآناں فیڈرل گورنمنٹ ءِ گورءَ کِشتگ کہ آیانی تہا کرنسی، دری کار ءُ دیمپانی ہوار بوتگ اَنت ، بلے نوں یک نوکیں دود دیما پیداک ایں کہ ہرچ صوبہ وتی دری کارانی پالیسی ءَ وت جوڑ کنگءَ ایں۔ سینیٹر عرفان صدیقی ءَ گشتگ کہ اگاں ہرچ صوبہ وتی دری کارانی پالیسی ءَ جوڑ بہ کنت گڑا خیبر پختونخوا اوگانستان ءَ چہ پنجاب بھارتءَ چہ ءُ بلوچستان ایران ءَ چہ وتی گپاں وت ٹہیناں۔ آئیءَ کھڈن کتگ کہ اے یک مزنیں ھترناکیں دود اِت کہ اے وڑیں گامگیجاں چہ پاکستان ءَ را نہ وشیں نتیجگانی دیمپانی کنگ بوتگ کنت۔ سینیٹر عرفان صدیقی ءَ گشتگ کہ اے جیڑہ ءَ را سینیٹءِایجنڈا ءِ سرءَ بیاریت، باوستءُ گپ کناں ءُ ایشی ءَ را گیشءُ گیوار کناں ءُ آئین ءُ کانودءِ حلاپ ورزی ایں۔ آئی ءَ گشتگ کہ اگاں صوبہ دری کارانی پالیسی ءِ کاراں وتی دستاں بہ کنت گڑا اے پہ بنجاہ ءِ ھاترءَ مزنیں ھترہ بوت کنت ءُ ماایشی ءَ را سرجمیءَ ایر جناں۔ عرفان صدیقی ءَ گشتگ کہ ما مزن گسءِ تہا ہم ، حکومتی تکءَ ءُ دری کارانی تکءَ ہم ایشیءَ را ایر جناں ءُ اوگانستان ءِ حکومت ہم ایشی ءِ پسو ءَ بہ دنت۔
