اسلام آباد۔2جولائی (اے پی پی) آپءُ لین ئِ ملکی وزیر ئَ عابد شیر علی ئَ گشتگ کہ مسلم لیگ(ن) ئِ ھلاپ ئَ پندل ناکام بنت چیا کہ آئیئِ سیاسی نہ منوک وتی 14سالہ دورِ اقتدار ئَ کرپشن ئِ ھچ سبوت پیش نہ کتگ، پرویز مشرف ئِ 9سالی ءُ پیپلز پارٹی ئِ 5سالی حکومت ئَ آ مسلم لیگ(ن) ئِ قیادتئِ ھلاپ ئَ لُچی ءُ ٹگی ئِ ھچ سبوت ھم پیش نہ کتگ آئی ئَ نیب ءُ دومی حکومتی ادارگ آنی وسیلگئَ بازیں کوشست کتگ کہ سبوت دستئَ بہ ایت۔ یک شمبے ئِ روچئَ ھال درئِ گوما گپءُ تران کنانئَ آئیئَ گشتگ کہ مئے قیادتئِ گوست ساپءُ سلہ اِنت ءُ مئے ھلاپ ئَ پندل ناکام بنت۔ آئیئَ گشتگ کہ مسلم لیگ(ن) ئِ قیادتئَ چہ آئی ئِ ذاتی بیپارئِ ھوالگئَ جُستءُ پُرس کنگ بوھگءَ اِنت ءُ اے گپ منگی نہ اِنت کہ بیپاری سُرءُ پرآناں لُچی ءُ ٹگی ئَ گوں بندوک کنگ بہ بیت۔ ملکی وزیر ئَ گشتگ کہ اُلسی مسلم لیگئِ رہنما شیخ رشید احمد ءُ تحریک انصاف ئِ قیادت انکوائری ٹیم ئِ جارچینی ئِ کردئَ پیلو کنگ ئَ اِنت۔ آئی ئَ شیخ رشید ئِ بیانئِ سرئَ سوموٹو ایکشن ئِ لوٹ کتگ کہ ایشیئِ تہا آﺅکیں دہھ روچانی تہا سرپانکی سیٹ اپ ئِ گپ کتگ۔
