موسمیاتی  مٹ ءُ بدلی   میاں اوستمانی  جیڈھ  ات،  نوک دیمروئی کنوکیں   ملک آنی کمک ءَ چہ اے  جیڈھ  ءَ را گیوار   کنگی انت،  پاکستان  ءَ  اے  جیڈھ      ءَ را  باز ھک ءُ دلی  پیش داشتگ،   بنجاھی وزیر    اھوالکاری ءُ شنگ کاری   عطا اللہ  تارڑ

اسلام آباد۔12ستمبر  (اے پی پی): بنجاھی وزیر اھوالکاری  ءُ شنگ کاری   عطا اللہ  تارڑ  ءَ گوشتگ کہ موسمی  مٹ ءُ بدلی  میاں اوستمانی جیڈھ ات،   نوک دیمروئی کنوکیں ملک آنی کمک ءَ چہ  اے جیڈھ ءَ   را گیوار   کنگی انت،  پاکستان ءَ اے جیڈھ  ءِ  ھوالگ ءَ باز    ھک ءُ دلی  پیش داشتگ، زہریلی  گیس آنی یلوئی ءَ چہ پاکستان ءِ باز  کم  بھر انت  بلے  تاوان  آنی پڑ ءَ   درستاں چہ  گیش    تاوان بار چست کنگ  ءَ انت۔  حکومت ءَ     نہال  کشگ ،  کلین  گرین انرجی ، موسمی    مٹ ءُ بدلی  ءِ ھولگ ءَ  سرپدی آںی بابت ءَ جتا جتائیں گامگیج   چست کتگ۔  پنچ شمبے ءِ روچ ءَ     ورلڈ وائلڈ لائف فنڈ ءِ  نماھند  ءُ مزن وزیر ءَ را کوآرڈینیٹر برائے  موسمی   مٹ ءُ بدلی      رومینہ   خورشید عالم  ءِ ھمبراھی  ءَ پریس کانفرنس ءَ گشتانک  دیوان ءَ کت۔  بنجاھی وزیر اھوالکاری  ءُ شنگ کاری  ءَ گوشت کہ  پاکستان   زہریلی  گیس آنی یلوئی  بوھگ   ءِ زمہ وار نہ   انت ءُ زہریلی  گیس آنی  میاں اوستمانی تک ءَ یلوئی  ءَ چہ پاکستان ءِ بھر دو درسد   ءَ چہ کم  انت    ایشی ءَ ابید   پاکستان ءِ  شمار موسمی  مٹ ءُ  بدلی   ءِ  درستاں  چہ  گیش  ملک آنی  لڑ ءَ ھوار انت۔ پاکستان ء موسمی  مٹ  ءُ بدلی    ءِ بازیں     تاوان   ءِ چست کنگ ءَ انت۔ آئی ء گوشت  کہ   یک زمہ واریں    ملک  ءِ بستار ءَ پاکستان ءَ موسمی مٹ ءُ بدلی   ءِ تاوان آناں   کم  کنگ  ءِ واستہ    بازیں گامگیج  چست کتگ۔   نہال کشگ، گرین  انرجی، موسمی   مٹ ءُ بدلی   ءِ ھوالگ  ءَ سرپدی ءِ بابت ءَ حکومت ءَ  جتا جتائیں  گامگیج   چست  کتگ ءُ موسمی  مٹ   ءُ بدلی  ءِ جیڈھ   آنی  گر  ءُ  چیل  بوھگ ءِ واستہ     دلگوش   کتگ۔  بنجاھی وزیر  اھوالکاری  ءُ شنگ  کاری ءَ گوشتگ کہ مزن  وزیر  محمد شہباز شریف  ءَ  ھم  مدام  موسمی  مٹ ءُ بدلی آنی   جیڈھ  آناں گیش ءُ گیوار   کنگ ءِواستہ    گامگیج     آنی بابت ءَ ھاسیں دلگوش  کتگ۔ آئی ءِ کوشست    آنی نتیجگ ءَ   گوستگیں  سیلاپ ءِ ساھت ءَ یونائیٹڈ  نیشن  ءِ  سیکرٹری جنرل ءَ را  ھم پاکستان ء، سیلاپ   ءَ چہ آماچیں   دمگ آنی تر ءُ تاب  کنائینت،  ایشی ءِمول ءُ مراد  ھمے وبتگ کہ پاکستان ءَ     موسمی  مٹ  ءُ بدلی  ءِ تاوان   آں چہ  دگنیا ءَ را    سرپد   کنگ بہ  بیت۔  عطا اللہ  تارڑ ءَ گوشتگ کہ ما ورلڈ  وائلڈ لائف فنڈ ءَ ھوار موسمی مٹ ءُ  بدلی     ءِ  ھوالگ ءَ  کار کنوکیں  در ملکی  گل آنی گوما    یکجائی ءَ کار کنگ ءَ آں۔  وزیر ءِ  اھوالکاری  ءُ شنگ اکری ءَ گوشت کہ دگنیا ءَ را سرپد  کنگ  بوتگ کہ  کاربن   ءِ  یلوئی ءَ  چہ مئے  بھر باز  کموک انت  بلے تاوان  درستاں چہ گیش  سگ ءُ اوپار  کنگ  ءَ انت۔  وزیر ءِاھوالکاری ءَ گوشت  کہ موسمی مٹ ءُ بدلی   میاں  اوستمانی  جیڈھ انت۔   نوک دیمروئی کنوکیں  ملک  ءِ مک ءَ چہ اے جیڈھ آناں گر  ءُ   چیل بوھگ    ءُ پاکستان  ءَ اے جیڈھ ءِ  ھوالگ ءَ  ھک ءُ دلی    پیش   داشتگ۔  بنجاھی وزیر   ءَ  زور  پر دات  کہ   موسمی  مٹ    ءُ بدلی   ء  ِ جیڈھ   آنی گیواری ءِ واستہ  ھمک  مردم آناں وتی زمہ واری آناں پیلو کنگی انت،  موسمی  مٹ ءُ بدلی ءِھوالگ  ءَ چہ  میاں اوستمانی شریکدار  آنی  کمک   ءِ سک   پکار انت۔    آئیءَ گوشت کہ موسمی  مٹ ءُ بدلی ءِ   ھوالگ ءَ چہ ملک ءَ را  رکھینگ ءِ کوشست جاڑی  مان ائیت۔   مزن وزیر ءِ کورآرڈینیٹر   ءِ بستا  ر  ءَ رومینہ  خورشید  عالم  ءَ   جوانیں  کمک کتگ  ءُ     اے  کوآرڈینیشن  ءِ نتیجگ ءَ ناں ایوک ءَ  آءی ءَ  اے جیڈھ  ءَ را سرجمیں دگنیا  ءَ سہرا کتگ  بلکینگ ءَ دگنیا ءَ را   سرپد  کتگ کہ موسمی  مٹ ءُ بدلی ءِ تاوان     آں چہ  سرجمیں  بنی آدم    آماچ بوھگ ءَ انت  ءُ  نوک دیمروئی کنوکٰں ملک،  در ملکی این جی اوز ءُ میاں اوستمانی  ادارگ آنی کمک    اے جیڈھ  ءَ چہ رکھگی  انت  تانکہ موسمی  مٹ  ءُ بدلی ءِ تاوان    آناں  کم ءَ چہ کم   بوت   بکناں۔