اسلام آباد۔12ستمبر (اے پی پی): بنجاھی وزیر برائے زرئی کار قیصر احمد شیخ ءَ گوشتگ کہ پاکستان آئی ایم او ریگولیشن ءِ مھکمیں پد ءُ رندی ءَ کنت، مئے تیاب دپ 11 ہزار کلومیٹر دراج بر انت۔ اے ھیالانی درشانی آئی ءَ پنچ شمبے ءِ روچ ءَ ادا انٹرنیشنل میری ٹائم بزنس اینڈ فنانس کانفرنس ءَ گوں گشتانک دیان ءَ کت۔ قیصر احمد شیخ ءَ کانفرنس ءَ بھر زوری کت میاں اوستمانی زرئی گل ءِ سیکرٹری ، نائب مزن وزیر سینیٹر محمد اسحا ق ڈاسر ءُ توامیں میاں اوستمانی گشتانکار آنی شگر ءُ منت واری گپت۔ ءُ گوشت کہ پاکستان آئی ایم او ریگولیشن ءِ سرجمیں پد ءُ رندی ءَ کنت۔ مئے کوسٹ لائن 11 ہزار کلو میٹر انت ءُ ایشی ءِ دیمپانی لوکیشن ایشرا ءُ گیش ارزشتی جوڑ کنت۔ آئی ءَ گوشت کہ ما گلوبل فٹ پرنٹ ءَ را کم کنگ ءُ گرین ٹیکنالوجی ءِ گیش کارمرزی ءِ کوشست ءَ کنگ ءَ انت۔ موسمی مٹ ءُبدلی ءِ واستہ ھمے رنگیں گامگیج ھمک ادارگ آنی تہ ءَ بوھگ ضلوری انت۔ آئی ءَ گوشت کہ یونائیٹڈ نیشن ءِ مھکمیں دیمروئی سیم سر آنی رد ءَ آپی ساھدار ءُ زر ءِ رکھینگ ءَ را دل یکیمی جوڑ کنگ ءَ آں، مئے میری ٹائم پروفیشنلز آنی دگنیا ءِ ایندگر ملک آنی پروفیشنلز آنیگوما ھمکچی بوت نہ کنت۔
