اسلام آباد۔12ستمبر (اے پی پی): بنجاھی وزیر برائے نیک راھی کا ر ءُ نیک راھ انی وت مہ وتی نزیکی چوہدری سالک حسین ءَ پنچ شمبے ءِ روچ ءَ انڈونیشیا ءِ ناظم الامور رحمت ہندیار تاکسو ما ءَ گند ءُ نند کت ایشی ِ اندر ءَ نیک راھ آنی وت مہ وتی نزیکی، شرپ ءُ ازت ءُ بنی آدم دوستی ءُ یکوئی ءَ را دیمروئی ءِ بات ءَ جتا جتائیں شور ءُ مشور آنی بابت ءَ ھیال ریچی کنگ بوت۔ بنجاھیوزیر نیک راھی کار چوہدری سالک حسین ءَ گوشتگ کہ مسلمان آناں وت مہ وت یکوئی آناں دیمروئی دیگ بہ بیت۔ اسلام مارا گوں بنی آدم آناں دوستی ، یکوئی ، شرپ ءُ براتی ءِ سبک ءَ دنت۔ انڈو نیشیاد ءِ ناظم الامور رحمت ہندیار تاکسو ما ءَ گوشت کہ دگنیا ءَ ایمنی ءِ برجائی ءِ وا ستہ نیک راھ آنی وت مہ وتی مکالمہ المی انت۔ سگ ءُ اوپار کشی ءُ شرپ ءُ ازت ءِ رویہ اسلام ءِ وانگ ءُ زانگ ءِ المی ایں بھر انت۔ گند ءُ نند ءَ کشاں چیل آنی ھلاسی ءُ نیک راھ آنی وت مہ وتی نزیکی ءُ دیمروئی ءَ یک ءِ دومیگ ءِ گوما کمک آناں ودینگ ءِ بابت ءَ تپاک کنگ بوت۔ سیکرٹری وزارت ءِ نیک راھی کار ءُ نیک راھ آنی وت مہ وتی نزیکی ذوالفقار حیدر ھم گند ءُ نند ءَ ساڑی ءُ ھوار انت۔
