اسلام آباد۔12ستمبر (اے پی پی): مزن وزیر محمد شہبا زشریف ءَ گوں راجی اسمبلی ءِ باسک اسمبلی ڈاکٹر ذوالفقار بھٹی، چوہدری افتخار نذیر، رانا ارادت شریف، واجا پلین بلوچ، رانا محمد حیاتءُ شیخ آفتاب احمدءَ گندءُ نندکتگ۔ پنچ شمبے ءِ روچءَ مزن وزیر کارگس ءِ میڈیا ونگءَ چہ شنگ بوتگیں بیان ءِ ردا گندءُ نندءِ تہا راجی اسمبلی ءِ باسکاں مزن وزیر ءَ وتی ہمگرنچیں حلقہ آں برجاہیں اُلسی پلاحءُ گہبود ءِ منصوبہ آنی سرءَ بوتگیں کارانی بابتءَ سرپد کتگ۔ راجی اسمبلی ءِ باسکاں ملک ءَ انوگیں معاشی محکمی ءِ سرءَ مزن وزیرءَ را دادءُ سلام پیش کتگ۔ راجی اسمبلی ءِ باسکاں مزن وزیرءِ ملکی دیمروئی ء ُ اُلسی پلاح ءُ گہبود ءِ ھاترءَ کتگیں گامگیجانی سرءَ سرجمیں کمک ءِ جزم کتگ۔
