اسلام آباد۔2جولائی (اے پی پی) راجی احتساب بیورو(نیب) ئِ نیمگئَ چہ محکمہ کو آپریٹو ہاوسنگ سوسائٹی اسلام آباد آئی سی ٹیئِ تہا اصلاحات ئِ ھاترئَ جوڈ کتگیں پریونیشن کمیٹی ئَ ادارگ ئِ کردئَ را اثر مند جوڈ کنگ ءُ ہاﺅسنگ سوسائٹی آنی تہالُچی ءُ ٹگّی ئِ گرءُ دار ئِ ھاترئَ بازیں سوج پیش کتگ محکمہ کوآپریٹوہاﺅسنگ سوسائٹی اسلام آبادئَ ہاﺅسنگ سوسائٹی آنی تہا لُچی ءُ ٹگی ئِ گرءُ دار کنگئِ ھاترئَ نیب ئِ سوجاناں ساڑاتگ۔ چیئرمین نیب قمر زمان چوہدری ئِ پنتءُ شون ئِ سرئَ نیب آرڈیننس 1999ئِ سیکشن 33سی ئِ ردئَ کوآپریٹوڈیپارٹمنٹ اسلا م آباد کیپٹل ٹریٹرری ئِ تہا اصلاحات ئِ ھاترئَ جوڈ کتگ کہ ایشیئِ تہا محکمہ کوآپریٹو آئی سی ٹی اسلام آبادئِ نمائندگ آں ھوار دراھیں ھمگرنچیں فریقین آنی نمائندگ ھوار کنگ بوتگ۔
