اسلام آباد۔12ستمبر (اے پی پی): ملک مستر آصف علی زرداری ءَ میجر عزیز بھٹی شہید نشانِ حیدرءَ را آئی ءِ شہیدی ءِ روچءَ دادءُ سلام پیش کتگ۔ پنچ شمبے ءِ روچءَ ایوان صدر ءِ پریس ونگءَ چہ شنگ بوتگیں بیان ءِ ردءَ ملک مسترءَ اے موہ ءَ وتی کلوہ ءِ تہا گشت گکہ سرجمیں راج میجر عزیز بھٹی ءِ بے مٹیں قربانی ءُ بہادری ءَ را سلام پیش کنت۔ آئی ءَ گشتگ کہ میجر عزیز بھٹی ءَ 1965 ءِ پاک بھارت جنگ ءَ دژمن ءِ دیما جوان مردی ءَ گوں دیمپانی کتگ ء ُ ماتیں وطن رکینتگ ءُ وتی جان ندر کتگ ، سر جمیں راج وتی بامرد ءَ را دادءُ سلام پیش کنت۔ ملک مسترءَ گشتگ کہ میجر عزیز بھٹی ءِ قربانی پہ سرجمیں راج ءِ ھاترءَ روژناہیں درور اِت۔ ما جزم کناں کہ ما ہم پہ وطن ءِ ھاترءَ ہرچ وڑیں قربانی دئیگءَ ساڑی اَنت۔ ملک مسترءَ میجر عزیز بھٹی شہیدءِ ھاترءَ درجگانی مزنی ءِ دعا کتگ۔
