اسلام آباد۔11ستمبر (اے پی پی):مزن وزیر محمد شہباز شریف ءَ چیئرمین پاکستان پیپلز پارٹی بلاول بھٹو زرداری ءِ پارلیمنٹ ءَ داتگیں شور ءُ مشور کنگ بوت، ” چارٹر آف پارلیمنٹ ” ءَ را ساڑاھگ بوت کہ ایشی ءَ چہ جمہوریت ءُ پارلیمنٹ گیش مھکم بیت، پاکستان پیپلز پارٹی ءَ ملکی معیشت ءِ برجائی ءِ واستہ حکومت ءِ گومگیج آنی تہءَ ھمبراھ داری کت۔ اے ھیالانی درشانی آئی ءَ مزن وزیر محمد شہباز شریف ءَ چیئرمین بلاول بھٹو زرداری ءِ سرکوی ءَ پاکستان پیپلز پارٹی ءِ ڈل ءَ گوں گند ءُ نند کت۔ ڈل ءَ سید نوید قمر ءُ میئر کراچی مرتضیٰ وہاب ھوار اتنت۔ گند ءُ نند ءَ نائب مزن وزیر درئی کار اسحاق ڈار، وزیر کانود ءُ انصاف اعظم نذیر تارڑ ، وزیر ءِ اھوالکاری ءُ شنگ کاری عطا اللہ تارڑ ءُ اٹارنی جنرل ھم شریک ات۔ گند ءُ نند ءَ ملکی سیاسی جاور ھال آنی ھوالگ ءَ شور ء مشور کنگ بوت۔ مزن وزیر کارگس ءِ میڈیا ونگ ءِ نیمگ ءَ جاڑی کتگیں بیان ءِ رد ءَ گند ءُ نند ءِ ساھت ءَ تران کنان ء َ مزن وزیر محمد شہباز شریف ءَ گوشتگ کہ پاکستان پیپلز پارٹی حکومت ءِ ارزشتیں ایں ھمبراہ داریں پارٹی انت۔ پاکستان پیپلز پارٹی ءَ ملکی معیشت ءِ برجائی ءِ واستہ حکومت ءِ ھمک گامگیج ءِ گوما ھمبرا ہ داری کتگ۔ مزن وزیر ءَ چیئرمین پیپلز پارٹی بلاول بھٹو زراداری ءِ پارلیمںٹڑ ءَ داتگیں شور ءُ مشور، ” چارٹر آف پارلیمںٹ ” ءَ را ساڑاتگ ءُ اے گپ ءِ درشان کتگ کہ ایشی ءَ چہ جمہوریت ءُ پارلیمنٹ گس گیش مھکم بیت۔ پاکستان پیپلز پارٹی ءِ ڈل ءَ ملکی معیشت ءِ برجائی ءِ واستہ حکومتی معاشی پالیشی آنی توسیپ کت۔ پاکستان پیپلز پارٹی ءِ ڈل ءَ حکومتی پالیشی ءُ گامگیج آنی سرجمیں دل یکیمی ءِ درشان کت ایشرا مزن وزیر ءَ را وش اتک کت۔
