اسلام آباد۔11ستمبر (اے پی پی):تہی کارانی بنجاہی وزیر محسن نقوی ءَ قائد اعظم محمد علی جناحءِ سیاسی دور گیندی ءُ جوانی راھشونی ءَ را جوانیں دابے ءَ دادءُسلام پیش کتگءُ گشتگ کہ آئیءِ بے مٹیں جدوجہد، جوشءُ جزبگ ءُ ایمانداری قائد اعظم محمد علی جناحءِ شخصیتءَ را را درستا ں چہ جتاہ کنت۔ قائد اعظم محمد علی جناحؒ ءِ 76 سال روچءِ موہ ءَ وتی کلو ہءِ تہا تہی کارانی وزیر محسن نقوی ءَ گشتگ کہ قائد اعظم محمد علی جناحؒ ءِ جرات مندیں گامگیج ءَچہ یک جتاہیں ملکے ءِ واب پیلو بوتگ۔ قائد اعظم محمد علی جناحؒ ءِ اے احسان ءَ را تاں قیامت یات کنگ بیت۔ بدبھتی ءَ چہ قائد اعظم محمد علی جناحؒ ءِ دُرایں رھبندانی رند گیریءَ کنگ نیاں ءُ ما پُشتءَ کپتگ اَنت۔ محسن نقویءَ گشتگ کہ قائد اعظم محمد علی جناحؒ ءِ سوج دا تگیں کشک پہ مئے ھاترءَ روژناہیں کِشک اَنت۔ آئیءَ گشتگ کہ قائد اعظم محمد علی جناحؒ ءِ جہدءُ کوشست ءَ را سرجمیں راج شموشت نہ کنت۔ مارا اے جزم کنگ لوٹ ایت کہ قائد اعظم محمد علی جناحؒ ءِ راھبندانی ردا ملک ءِ دیمروئی ءُ محکمی ءِ ھاترءَ وتی زمہ واریاں پیلو کناں، بیا اِت اے جزم ءِ درشانی ءَ کناں کہ ما یکوئی، گل ءُ محکمیں اوستءِ گوما دیما کِنز اَں۔
