اسلام آباد۔2جولائی (اے پی پی) پاکستانئَ بھارتئِ گوما 2008ئِ قونصلر رسانکی ئِ منءُ گر ئِ سرئَ عمل درآمد کنگئِ ھاترئَ جزم کتگ کہ ایشیئِ ردئَ یکے دومی ئِ ملکئِ بندی جاھانی کیزی شہرآنی لڑ آناں یکے دومی ئَ را سال ئِ تہا دو رندئَ دیئگ بیتءُ ھمک سال یکم فروری ءُ یکم جولائی ئَ اے وڑیں کیزآنی لڑ یکے دومیئَ را دیئگ بیت۔ یکم جولائی 2017ئَ پاکستان ئَ بھارتی حکام ئَ را پاکستان ئِ بندی جاھاں بند بھارتی شہرآنی معلوم داری ئَ چہ سرپد کتگ۔ پنچ بھارتی شہری کہ آھانی سزا سرجم بوتگ اَنت آ 22جون 2017ئَ بھارتئِ ھوالگ کنگ بوتگ اَنت، ایشی ئِ دومی نیمگئَ بھارتی بندی جاھ آں بندیں 20پاکستانی آں وتی سزا سرجم کتگ اَنت آ تاں انگت وتی واتری ئِ وداریگ اَنت وھدے کہ107پاکستانی ماہی کُش ءُ 85سویلین ئَ را قونصلر رسانکی ھم تاں انگت دیئگ نہ بوتگ۔
