اسلام آباد۔11ستمبر (اے پی پی):صدر مملکت آصف علی زرداری ءَ قائداعظم محمد علی جناح ءَ را آئی ءِ ھپتاد ءُ ششمی سالروچ ءِ موہ ءَ جوانیں دانک آنی گوما توسیپ ءُ ستا پیش کنان ءَ گوشتگ کہ محمد علی جناح ءِ جہد ناں ایوک ءَ پاکستان ءِ جمہوری نظام ءِبنیات ءَ را ایر کتگ بلکینگ ءَ آ مرچی ھم پارلیمانی جمہوریت ءُ نیک راھ آنی وت مہ وتی نزیکی ءِ واستہ مئے واستہ مادنیں کشک ات۔ آئی ءِ وانگ ءُ زانگ ءُ سروکی ءَ چہ ما پاکستان ءَ را مھکم ءُ وشھالیں ملک ءِ جوڑ کت کناں۔ صدر مملکت ءَ قائداعظم محمد علی جناح ءِ سالروچ ءِ موہءَ وتی کلوہ ءَ گوشت کہ مرچی ما قائداعظم محمد علی جنان ءَ را آئیءِ ھپتاد ءُ ششمی سالرو چ ءِ موہءَ توسیپ ءُ ستا پیش کناں۔ ما برصغیر ءِ مسلمان آنی واستہ یک جتائیں وطن در جنگ ءِ وا ستہ آئی ءِ کوشست ءُ کرد آنی منت وار آں۔ آئی ءَ گوشت کہ قائداعظم ءَ یک انچیں وطن ءِ واستہ جہد کتگ کہ ھمودا مسلمان آسودگی ءَ زندمان گوازینت کت بکناں۔ صدر مملکت ءَ گوشت کہ ہندوستان ءِ چپ ءُ چوٹیں سیاسی لیکہ آنی تہءَ ہندوستان ءِ سملان آناں کامیاتی ءَ گوں سروکی کتگ ءُ مسلمان آنی ھک آنی بابت ءَ وتی جزم ءُ لیکہ آناں مھکم داشتگ۔ آئی ءَ گوشت کہ قائداعظم جمہوریت ءُ چاگردی اقتصادی انصاف ءِ اسلامی رھبند آنی رد ءَ پاکستان ءِ واھشت ائیگ انت۔ مارا وتی ملک ءِدیمروئی ءِواستہ ” اتحاد ، ایمان ءُ ڈسپلین ” ءِ رھبند آناں مادنیں کشک ءِ ضلورت انت۔ صدر ءَ اے گپ ءِ دل یکیمی دات کہ قائداعظم محمد علی جناح ءِ زانشت ءُ سروکی ءَ چہ ما پاکستان ءَ را مھکم ءُ وشھالیں ملک ءِ جوڑ کت کناں۔
