کراچی11- ستمبر (اے پی پی ) سندھ ءِ نامداریں سرجن ڈاکٹر مرلی دھر ءَ گوشتگ کہ پاکستان ءَ ھوار سرجمیں دگنیا ءَ ایوک ءَ دو ملک انچیں است کہ ایشانی تہ ءَ پولیو انوگ ءَ ھم است انت، افریقہ وڑیں ملک ءَ چہ پولیو ءِ ھلاسی ءِ کنگ بوتگ۔ گلوبل پولیو ایریڈیکشن انیشیٹو ءِ چیر دستی ءَ انوگ ءَ تاں دو ارب زھگ آناں پولیو ءَ چہ رکھینگ ءِ واستہ پٹوکی وارینگ بوتگ۔ وائلڈ پولیو ءِ یک کیس ءِ است بوھگ ءَ چہ مریض آنی کساس ءِ تہءَ گیشی ءِ بیم برجا بیت، مارا اے نادراھی ءِ ھلاسی ءِ واستہ پکو بوھگی انت۔ اے پی ءَ گوں تران کنان ءَ ڈاکٹر مرلی دھر ء گوشتگ کہ 1994 ءَ چہ پاکستان ءَ پولیو ءِ ھلاسی ء پروگرام 339,521 ھیل کار یں گپتگیں کارندہ آنی نگرانی جاڑی انت ایش دگنیا ءِ درستاں چہ مستریں پولیو ءِ ھلاسی ءِ پروگرام انت ، ایشی ءِ اندر ءَ پاکستان ءُ دگنیا ءِنامداریں نادراھی ھوار انت۔ پاکستان ءَ 1990 ءَ پولیو ءِ 20 ہزار نادراھ آناں چارگ ءُ تپاسگ بوتگ۔ اے سالءَ پاکستان ءَ پولیو ءِ 14 مریض چارگ بوتگ انت۔ ایشانی تہ ءَ بلوچستان ءَ چہ 11 ، سندھ ءَ چہ 2 ءُ پنجاپ ءِ یک مریض ءِ ھوار انت۔ سندھ ءِ دو مریض آنی تہءَ یک ءِ سیاسی گوں شکار پور ءُ دومی ءِ کراچی کیماڑی ءَ انت۔ آئی ءَ گوشت کہ بلوچستان ءِ 11 مریض آنی تہ ءَ 5 ءِ سیادی گوں قلعہ عبداللہ ءَ انت۔ نیشنل انسٹی ٹیوٹ آف ہیلتھ فار پولیو ایریڈیکیشن ءَ گوں نزیکیں لیبارٹری ءِ رد ءَ یونین کونسل صدر مسلم باغ قلعہ ءَ گو ں سیادی داروکیں 20 ماہ ءِ زھگ اے نادراھی ءَ چہ بیران بوتگ۔ آئی ءَ گوشت کہ 2020 ءَ پولیو ءِ 26 کیسز بلوچستان، 22 سندھ ، 22 خیبر پختونخوا ءَ چہ وھدیکہ 14 کیسز پنجاپ ءَ چہ رپورٹ بوتگ انت۔ 2022 ءَ پولیو ءِ 20 کیسز دیم ءَ اتکگ انت ایشانی سیادی خیبرپختونخوا ءَ بوتگ۔ 2023 ءِ کلی 6 مریض دیم ءَ سہرا بوتگ انت ایشانی تہ ءَ 4 ءِ سیادی گوں خیبر پختونخوا ءُ 2 ءِ سندھ ءَ انت۔ ڈاکٹر مرلی دھر ءَ گوشتگ کہ وائلڈ پولیور ءِ یک کیس ءِ است بوھگ ءَ چہ مریض آنی کساس گیش بوھگ ءِ بیم است بیت۔ آئیءَ گوشت کہ اے نادراھی ءِ استی ساڑی بوھگ سہرا کنگ کہ زھگ آناں ویکسین ءَ کوتاہی بوتگ۔ اے رد ءَ پولیور ءِھلاسی ءِبابت ءَ مزن وزیر ءِ فوکل پرسن عائشہ رضا فاروق ءَ ھم بلوچسان ءَ پولیو ءِ دیم ءَ آیوکیں کیس آنی ھوالگ ءَ نہ وشی ءِ درشان کتگ۔ آئی ءَ گوشت کہ گلوبل پولیو ایریڈیکیشن انیشیٹو جی پی ای آئی 1988 ءَ جوڑ کنگ بوتگ۔ اے پروگرام ءِ بنگیج ءَ چہ انوگ ءَ تاں دو ارب پنجاہ کروڑ زھگ آناں پولیو ءَ چہ رکھینگی پٹوکی وارینگ بوتگ۔ ایشی ءِ اندر ءَ 200 ملک ءُ 20 ملین والنٹری مردم بھر زورگ ءَ انت۔ ڈاکٹر مرلی ءَ گوشتگکہ جنگلی وائرس مارا ھوار ایوک ءَ دو ملک آنی تہ ءَ ساڑی انت۔ ءُ اے مئے واستہ پگر ءِ ساھت انت کہ 2000 ءَ روبرکتی اوشن ءِ پڑ ءَ ، 2002 ءَ یورپی پڑ ءَ، 2014 ءَ زر باری رودراتکی ایشیا ءِ پڑ ءَ ، بزاں انڈونیشیا ءَ چہ بگر تاں ہندوستان ءَ تاں، 11 ملک آندر ءَ پولیو ءَ چہ پاک نامینگ بوتگ۔ آئیءَ گوشتگ کہ 2020 ءَ افریقہ ءَ پولیو ءَ چہ پاک بوھگ ءِ پنچمی پڑ جوڑ بوتگ۔ آئءَ گوشتگ کہ 20 ملین ءَ چہ گیش زھگ ایشانی تہ ءَ ویکسین وارینگ بوتگ نادراھی ءَ چہ رکھ اتگ انت ءُ آ وتی پاد آنی سر ءَ وت شتگ انت۔ آئیءَ گوشت کہ مارا پاکستان ءَ چہ پولیو ءِ ھلاسی ءِ واستہ پکو ءُ ھک ءُ دل بوھگی انت۔
