اسلام آباد۔10ستمبر (اے پی پی):صدر مملکت آصف علی زرداری ءَ چاگرد ءِ زبھریں ءُ پشمندگیں تبک ءِ مردم آناں جان سلامتی آسراتی ءِ پجاری کنگ ءَ عبدالقدیر خان ہسپتال ٹرسٹ ءَ را وتی کمک ءِ دل یکیمی دیان ءَ ضلورت مندیں مردم آناں آسانی ءَ گوں سر بوھگ ءِ آسراتی ءِ پد ءَ ٹرسٹ ءِ ازمت آناں ساڑات۔ ایوان ءِ صدر ءِ پریس ونگ ءِ نیمگ ءَ جاڑٰ بوتگیں بیان ءِ رد ءَ صدر مملکت ءَ اے ھیالانی درشانی آئی ءَ عبدالقدیر خان ہسپتال ٹرسٹ ءِچیئر پرسن ڈاکٹر دینیا خان ءِ سروکی ءَ ڈل ءَ گوں تران کنان ءَ کت۔ ایشاں سئے شمبے ءِ روچ ءَ ایوان ءِ صدر ءَ گوں آئی ءَ گند ءُ نند کت۔ گند ءُ نند ءَ باسک راجی اسمبلی آصفہ بھٹو زرداری ھم ساڑی ات۔ صدر مملکت ءَ گوشت کہ ڈاکٹر عبدالقدیر خان ءَ راج ءِ واستہ زمت آنی پد ءَ سرجمیں راج آنی ءِ وامدار انت۔ ڈاکٹر دینا خان ءَ صدر مملکت ءَ را الس آناں جان سلامتی ازمت آنی پجاری ءَ ہسپتال ءِ کار کرد آنی بابت ءَ سرپد کت۔ ڈل ءَ صدر مملکت ءَ را ٹرسٹ ءِ استیں جیڈھ آنی ھوالگ ءَ سرپد کت۔ ڈل ءَ گوشت کہ پیسریگیں ٹرسٹیز آنی مالی کرپشن ءُ ٹرسٹ ءِ کاونٹس آناں ھراب کارمرز کتگ۔ صدر آصف علی زرداری ءَ ڈل ءَ را اے جیڈھ آنی گیواری ءِ دل یکیمی دات۔ صدر مملکت ءَ ڈاکٹر عبدالقدیر خان ہسپتال ٹرسٹ ءِ ازمت ءُ مردم آنی نیمگ ءَ چہ داتگ داد آناں ساڑات۔
