مزن وزیر محمد نواز شریف ئَ خیبر پختونخوا ئِ گورئَ را پارا چنار ناشرکاری اُرشانی آماچیں مردمانی سرئَ چیک بھرءُ بانگ کنگئِ ٹاسک داتگ ، پاکستانئِ یکوئی ، تپاکی ءُ دیمروئی ئَ را تاوان دیﺅکاناں پروش دیئگ بیت ، مزن وزیر محمد نواز شریف
اسلام آباد۔2جولائی (اے پی پی) مزن وزیر محمد نواز شریف ئَ خیبر پختونخوا ئِ گورنر اقبال جھگڑا ئَ را پارا چنار ناشرکاری اُرشانی آماچیں مردمانی سرئَ چیک ئِ بھرءُ بانگ کنگئِ ٹاسک داتگ۔ مزن وزیر گسئِ نیمگئَ چہ جاری بیانئِ تہا مزن وزیرئَ گورنر کے پی ئَ را گشتگ کہ آ آماچیں مردمانی درنیامئَ اسسٹنس پیکج ئِ عمل درآمد ئِ سرپانکی ئَ بہ کنت۔آئیئَ گشتگ کہ گورنر اقبال جھگڑا ئَ را گشتگ کہ آ پارا چنار ئِ آماچیں مردماں گوں گند ءُ نند بہ کنت ءُ سرءُ سوجاناں مزن وزیرئَ را پیش بہ کنت۔ مزن وزیرئَ گشتگ کہ پاکستان اُلس ءُ پارا چنار ئِ مردماں ناشرکاری ئِ ھلاسی ئِ ھاترئَ سک باز قربانی داتگ۔ آئی ئَ گشتگ کہ ناشرکاری ءُ بیم کاری ئِ ھلاپ ئَ اُلسئِ قربانی زوال نہ بنت۔ آئی ئَ گشتگ کہ پاکستان ئِ یکوئی ، تپاکیءُ دیم روئی ئِ دیمروئی ئِ دیمئِ داروکاں پروش دیئگ بیت۔ مزن وزیرئَ کے پی ئِ گورنر ئَ را اے ھم پرمان داتگ کہ پارا چنار ناشرکاری ئِ آماچیں مردمانی چارءُ گزارئَ کنگ بہ بیت۔
