اسلام آباد۔9ستمبر (اے پی پی):مزن وزیر محمد شہباز شریف ءَ پنجگور ءَ پولیس موبائل ءِ سر ءَ تیر گوری ءَ را سک باز مذمت گران ءَ گوشتگ کہ ملک ءَ چہ ناشرکاری ءِ سرجمیں گر ءُ داسر ءَ تاں ناشرکاری ءِ ھلاپ ءَ مئے جنگ جاڑی بیت۔ دو شمبے ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ تیر گواری ءِ نتیجگ ءَ سب انسپکٹر شکیل احمد ءِ بیرانی ءَ چہ سک باز ڈکھ ءِ درشان کتگ۔ مزن وزیر ءَ شہید ءِ واستہ دعا ءِ نیک ءُ شہید آنی گس ءِ مردم آنی واستہ سگ ءُ اوپار کشی ءِ واستہ دعا ءِ نیک ھم کت۔ مزن وزیر ءَ گوشت کہ سرجمیں راج ناشرکاری ءِ ھلاپ ءَ جنگ ءَ وتی جان آناں قربان کنوک آنی گوما ھمگام ءَ اوشتاتگ۔ ملکءَ چہ ناشر کاری ءِ سرجمی ءَ ھلاسی ءَ تاں ناشرکار آنی ھلاپ ءَ جنگ جاڑی مان ائیت۔
