اسلام آباد۔9ستمبر (اے پی پی): بنجاھی وزیر برائے کشمیر ءِ کار، گلگت بلتستان ءُ سیفران ءُ صوبائی صدر مسلم لیگ ن خیبر پختونخوا انجینئر امیر مقام ءَ گوشتگ کہ تحریک انصاف ءِ مچی ءِ وستہ سرکاری آسراتی آناناں بے کچ ءَ کارمرز کتگ بلے ایشی ءَ چہ الس آں آواناں رد کتگ، مچی ءِ وستہ ارچی ریسورسز کارمرز کتگ انت ایشانی پٹ ءُ پول ءُ انکوائری بہ بیت۔ دو شمبے ءَ بنجاھی وزیر اھوالکاری ءُ شنگ کاری عطا اللہ تارڑ ءِ ھمبراھی ءَ پریس کانفرنس ءَ گوں گشتانک دیان ءَ گوشتگ کہ گوستگیں روچ ءَ پی ٹی آئی ءِ مچی ءِ واستہ مردم آناں گران کنگ ءَ آرگ بوتگ ءُ سر وزیر خیبر پختونخوا ءَ مچی ءَ ھما نہ وشیں زبان کارمرز کتگ ءُ وتی اگدہ ءِ بے شرپی کتگ۔ آ ئی گوشت کہ زیکیں مچی ءَ گریبیں صوبگ ءِ آسراتی آناں بے کچ ءَ کارمرز ءُ زیان کتگ۔ آئی ءَ گوشت کہ مچی ءَ ریسکیو 1122 ءَ ھوار سرکاری گاڑی آناں مرز کنگ بوتگ۔ امیر مقام ءَ گوشتگ کہ آمید گس ءِ پیشی ءِ وستہ آ نادراھ بیت ءُ مچی ءَ آسانی ءِ گوما شریک بیت۔ کرپشن ءِ زر آنی سر ءَ خیبر پختونخوا ءَ پی ٹی آئی والا وت مہ تی دست ءُ گریبان انت۔ علی امین گنڈا پور ءِ کرپشن ھوالگ ءَ آئی ءِ وتی وزیر گواہ انت، زاھ ءُ بد ءِ سیاست آئی ءِ مدامیگیں کار انت۔ بنجاھی وزیر ءَ گوشتگ کہ علی امین گنڈا پور ءُ آئی ءِ لیڈذر ءِ دروگ درستانی دیم ءَ سہرا بوتگ انت۔ مردم آں پی ٹئی آئی ءِ مچی ءَ را رد کتگ۔ اینکیاس مچی وا یونین کونسل ھم کت کنت۔ وھد ءِ مچی ناکام بوت گڈا آ زاہ ءُ بد دیگ بندات کتگ اے یک نہ وشیں گپ ات۔ انجینئر امیر مقام ءَ گوشتگ کہ پختون زالبول آنی ھوالگ ءَ جوانیں دود ءُر بیدگ ءِ واھند انت۔ ما مات ءُ گہار آنی شرپ ءُ ازت ءَ کناں، علی امین گنڈا پور ءَ مریم نواز ءِ ھوالگ ءَ نہ وشیں زبان کامرز کتگ۔ اے ھوالگ ءَ باز اپسوزی انت۔ بنجاھی وزیر ءَ گوشت کہ پیسر ءَ اے بہ بوتیں کہ آ پنجاپ ءُ خیبر پختونخوا ءِ کا ر کرد ءِ موازنہ کناں، اے رنگیں گپ ءُ دروگ بندگ آئی ءِ عادت انت۔ زیکیں مچی ءَ دھکمی ءُ بدیں گپ ءُ ھبر ءَ ابید اچ نہ بوتگ۔ ایشاناں وتی جون ءِ واستہ پیٹی دیار کنگی انت ءُ جنازہ ءِ تیاری کنگی انت، ڈن ءَ نہردنت ءُ ل پدا پادانی کپگ آوانی عادت انت۔ آئی ءَ گوشت کہ مردم آنی لوٹ انت کہ صوبگ ءِ واستہ چیز ءِ بکن، گوستگیں روچ ءَ مچی ءَ ارچی ریسورسز کارمرز کنگ بوتگ ایشانی پٹ ءُ پول ءُ انکوائری کنگ بہ بیت، مئے لیڈر شپ ءِ بابت ءَ ارچی زبان کارمرز کنگ بوتگ ایشی ءِ مذمت ءَ کناں۔
