اسلام آباد۔8ستمبر (اے پی پی):انٹیلیجنس ایجنسیوں آنی ٹک ءُ نشان ءِ پد ءَ بنی آدم آنی شپوکی ءَ گوں دست مانجنیں ٹولی ءِ دزگیر کتگ۔ بنجاھی وزیر تہی کاری محسن نقوی ءِ ھاسیں پنت ءُ شون ءِ پد ءَ ایف آئی اے لاہور سرکل ءِ انٹیلیجنس ایجنسی ءِ مالومداری کایاتیں کاروائی کنگ بوتگ ءُ بنی آدمی شپوکی ءَ گوں دست مانجنیں ٹولی آنی نیٹ ورک ءِ مردم آناں دزگیر کنگ بوتگ۔ اے نیٹ ورک ساپ ءُ سلہ ئیں سادگیں مردم آناں ڈن ملک ءَ برگ ءَ روزگار ءِ واستہ رد دیگ ءَ آ بزگریں مردم آناں در ءَ برگ ءُ دگہ بازیں نہ وشیں کار آنی تہ ءَ پنڈینگ ءِ کار ءَ گوں دست مانجنیں شپوک گرگ بوتگ انت۔ ایش نکلی کاگد جوڑ کنگ ءُ وتی پرنٹنگ پریس ءَ ایشاناں چاپ کنگ ءَ در ملک ءَ برگ ءِ کار ءَ گوں دست مانجن بوتگ انت۔ سیاسی پناہ در جنوکیں مردم آنی بازیں کساسءِ ھمے شپوک آنی گوما نزیکی ءَچہ در ملک ءَ شتگ بوتگ انت۔ دروگیں کاگد ایشاں وت جوڑ کتگ ءُ در ملک ءَ جہتگ انت۔ بنجاھی وزیر تہی کار محسن نقوی ءَ بنی آدمی شپو کی ءَ گوں دست مانجیں مردم آناں دزگیری کنگ ءِ پد ءَ انٹیلی جنس ایجنسی ءُ ایف آئی اے لوہور ءَ را شاباشی داتگ ءُ گوشتگ کہ اے کامیاتی آپریشن بنی آدمی شپوکیی ءِ ھلاپ ءَ پاکستان ءِ کاروائی آنی پڑ ءَ یک ٹوھیں گام ات۔
