اسلام آباد۔ 07 ستمبر (اے پی پی) بنجائی وزیر بحری امور قیصر احمد شیخ پارینے کہ پاک فضائیہ مدام ملکی دفاع ٹی اہم ءُ کڑد اس اداکرے، 1965 نا جنگ اٹی پاک فضائیہ نا ورناک دشمن نا غٹ ڈٹ آتے بے سہب کریر۔ وزارت بحری امور نا کنڈآن یوم فضائیہ نا وخت آ جاری تینا کلہو اٹی بنجائی وزیر بحری امور پارے کہ پاک فضائیہ مدام ملکی دفاع ٹی اہم کڑد ادا کرے، 1965 نا جنگ اٹی پاک فضائیہ نا ورناک دشمن نا غٹ ڈٹ آتے بے سہب کریر۔ قیصرا حمد شیخ پاک فضائیہ نا غٹ شہید آتے خراج عقیدت پیش کرسا مستی پارے کہ پاک فضائیہ نا پائلٹ ایم ایم عالم اسہ منٹ اٹی دشمن نا 5 جہاز آتے بٹسا تاریخ اس نوشتہ کرے، فضائی سیم تا رکھ ءِ پک کننگ اٹ پاک فضائیہ مدام ریاست نا کاٹم ءِ گمراٹ بڑزکرے ، 27 فروری 2019 آ ہم پاک فضائیہ دشمن ءِ پسپاکرے۔
