اسلام آباد۔ 07 ستمبر (اے پی پی) وزیراعظم محمد شہباز شریف پاک فضائیہ نا بے مٹ قربانی و کسبی مہارت ءِ خراج تحسین پیش کرساپارینے کہ 7 ستمبر 1965 نادے پاک فضائیہ نا شاہینک جیرت، بہادری و شجاعت نا تاریخ اس نوشتہ کریر، حسابی کچ اٹ کم مننگ آن پد ہم پاک فضائیہ نا بہادر ورناک تینا بہادری اٹ دشمن نا ناپاک عزم ءِ مش تا کریر۔ وزیراعظم آفس میڈیا ونگ انا کنڈآن یوم فضائیہ غا تینا کلہو اٹی اوپارے کہ ایم ایم عالم اسہ منٹ انا تہہ ٹی دشمن نا پنچ جہاز ءِ بھس کرسا دشمن نا غرور ءِ مش تا کرے، مچ آ قوم پاک فضائیہ غاگمر کیک۔ وزیراعظم محمد شہباز شریف پارے کہ وطن نا خاطر تینا جون تے ندر کروک آ پاک فضائیہ نا شہید آتے سلام پیش کینہ۔
