اسلام آباد۔ 07 ستمبر (اے پی پی) وزیراعظم محمد شہبا زشریف ضلع مہمند اٹی خارجی دہشت گرد آتا فرنٹیئر کور ہیڈ کوارٹر آ جلہو نا کوشست ءِ بے سہب کننگ آ پاک فوج انا آفیسر وورناتے خراج تحسین پیش کرسا پارینے کہ پاک فوج انا ورناک بہادری و کسبی مہارت اٹ کیمپ آ جلہوگیر مروک آ چار خودکش خارجی تے جہنمی کریر۔ وزیراعظم آفس میڈیا ونگ انا کنڈآن جاری بیان اٹی وزیراعظم پارے کہ کنتون اوار مچ آ قوم پاک فوج انا بہادر آفیسر و ورناتے خراج تحسین پیش کیک، دہشت گردی نا عفریت نا ملک آن پورو چٹفنگ اسکان اونا برخلاف جنگ ءِ برجاتخنہ، پاک فوج انا آفیسر و ورناک فتنہ الخوارج نا دہشت گرد آتیان پاکستا ن نا مش ءِ پاک کننگ اٹ لگوک ءُ، دہشت گردی نا برخلاف جنگ اٹی مچ آ قوم پاکستان نا فوج اتون ہم کوپہ سلوک ءُ۔
