اسلام آباد۔ 07 ستمبر (اے پی پی) بنجائی وزیر داخلہ محسن نقوی مہمند اٹی ایف سی ہیڈکوارٹر آ فتنہ الخوارج نا دہشت گرد آتا جلہو نا کوشست ءِ بے سہب کننگ آ سیکورٹی فورس آتے خراج تحسین پیش کرینے۔ بنجائی وزیر داخلہ محسن نقوی پارے کہ سیکورٹی فورس آک تہاری ٹی جلہو کروک آ لغور دشمن نا ناپاک عزم ءِ مش تا کریر و فتہ الخوارج نا 4 دہشت گرد آتے جہنمی کرسا عبرتناک انجام اسکان سرکریر۔ بنجائی وزیر داخلہ محسن نقوی پارے کہ جلہو ءِ بے سہب کننگ و دہشت گرد آتے جہنمی کننگ آ سیکورٹی فورس آتا ٹیم ءِ شاباشی ایتیوہ۔ اومستی پارے کہ پاکستان نا سیکورٹی فورس آک فتنہ الخوارج نا دہشت گرد آتاناپاک وجود ءِ چٹفنگ کن سنبرینگوک ءُ۔ بنجائی وزیر داخلہ محسن نقوی پارےکہ سیکورٹی فورس آتا بہادر ورناک مدام وخت آ ایکشن کرسا دہشت گرد آتا کارروائی تے بے سہب کرینو ہراڑآ قوم بجاوڑاٹ گمرکننگ کیک۔
