اسلام آباد۔6ستمبر (اے پی پی):ڈپٹی چیئرمین سینیٹ سیدال خان ءَ گوشتگ کہ 6 ستمبر ءَ پاکستان ءِ ارد ءِ راجی دلیری ءُ مزن جگری ءِ روچ انت، بیا ات کہ یکجاں بات ءُ محنت ءُ ازمت ءِ گوما ملک ءِدیمروئی ءُ وشھالی ءَ وتی وتی کر د ءَ را پیلو بکناں۔ آدینگ ءِ روچ ء سینیٹ سیکرٹریٹ ءَ چہ جاڑی بوتگیں بیان ء، رد ءَ یوم دیمپانی پاکستان ءِ موہ ء وتی راج ءِنام ءَ کلوہ ءَ چیئرمین سینٰٹ سیداسل خان ءَ گوشتگ کہ 6 ستمبر ءَ پاکستان ءِ ارد ءِ راجی مزن جگری ءِ روچ انت۔ دژمن ملکءِ ارد آں 6 ستمبر ءَ میاں اوستمانی کانود ءِ ھلاپ کنان ءَ شپ ءِ نیم ءَ مملکت پاکستان ءِ سر ءَ ارش کتگ۔ پاکستان ءِ ارد ءُ مزن جگریں الس آں ملک ءِ رکھینگ ءُ آجوائی ءِ واستہ وتی جان آنی پروا نہ کتگ ءُ بھارتی ارد ءِ گوما گوں مھکمی ءَ مقابلہ کتگ ءُ دژمن ملک ءِناپاکاکیں جزم آناں گوں ھاک ءَ ملارینتگ۔ یوم دیمپانی پاکستان ءِ برجم دارگ بندرت ءَ دژمن ھاٹیگ آنی واستہ یک کلوہ ات کہ پاکستان ءِ فوج ءُ راج 1965 ءُ 1971 ءِ جنگ ءُ ملک ءَ ناشرکاری ءِ ھلاپ ءَ ھمے جزم ءُ دلیری ءِ درشان کتگ آیوکیں وھد ءَ ھم وتی ماتیں وطن ءِرکھینگ ءِ واستہ اچ موہ یلو نہ کناں ۔ ما درست یکجائی ءَ راجی جیڈھ آنی گوما مقابلہ پاکستان ءِ جوڑیشت کار محمد علی جناح ءِ سروکیں رھبند ایمان، یکوئی ءُ تنظیم ءِ سر ءَ کار بند بوھان ءَ پیلو کن انت۔ مزن وزیر پاکستان ءِ کوشست انت کہ پاکستان ءَ را زوتاں چہ زوت دیمروئی ءِ کشک ءَ رھادگ بوت بکنت۔ ملکءِمعاشی جاور آنی گہتری ءِ واستہ مزن وزیر پاکستان ءِ جتا جتائیں گامگیج چست کنگ ءَانت ایشانی بدولت ءَ زوتاں زوت ملک ءُراج ءِ جاور آنی اندر ءَ گہتری گندگ بیت۔
