اسلام آباد۔6ستمبر (اے پی پی): بنجاھی وزیر تجارت جام کمال خان ءَگوشتگ کہ مرچیگیں روچ ءِ درگت ءَ مارا وتی شہید آنی قربانی آناں یات کنگ ءِ ضلورت انت۔ اے ھیالانی درشانی آئی ءَ آدینگ ءِ روچ ءَ یوم دیمپانی ءِ درگت ءَ چہ راولپنڈی ءَ سپاہی ہارون ولیم ءِ گس ءَ شہید آناں توسیپ ءُ ستا پیش کنان ءَ کت۔ سپاہی ہارون ولیم انوں زوتاں 21 جون 2024 ءَ میران شاہ ءَ شہید بوتگ اآئی ءِ آروس بوتگ ءُ آئی ءِ امبر 29 سال بوتگ۔ بنجاھی وزیر تجارت ءَ شہید ءِ فیملی ءِ گوما یکوئی ءِ درشان کت ءُ شہید ءِ ھاندان ءَ را ھمک رنگیں حکومتی کمک کنگ ءِ دل یکیمی ھم کنائینت ۔ جام کمال خان ءَ سپاہی ہارون ولیم ءِ پت ءُ برات آنی گوما گند ءُ نند کت۔ اے موہ ءَ جام کمال خان ءَ گوشت کہ ما پارلیمنٹ ءَ ٹوھیں ٹوھیں اگدہ آنی سر ءَ نشتگ آں مئے زمہ واری انت کہ وتی شہید آنی قربانی آنی سما ءَ بکناں ءُ آوانی پشمندگ آنی زندمان آناں آسانی پیداک کنگ ءِ کوشست ءَ بکناں۔
