راولپنڈی۔6ستمبر (اے پی پی): بنجاھی وزیر اھوالکاری، شنگ کاری، راجیمڈی ءُ دود ءُ ربیدگ عطا اللہ تارڑ آدینگ ءِ روچ ءَ یوم دیمپانی پاکستان ءِ موہءَ کپٹن احمد بدر شہید ءِ گس ءَ شتگ ءُ شہید بوتگیں پت کرنل ریٹائرڈ بدر الدین ءُ ایندگر گس ءِ مردم آنی گوما گند ءُ نند کت۔ بنجاھی وزیر اھوالکاری ءَ اے موہءَ کیپٹن احمد بدر شہید ءِ گس ءِ مردم آں گوں دلپدردی ءِ درشان کتگ ءُ شہید آنی درجگ آنی برز ءُبلندی ءِ واستہ دعا ءُ نیک کتگ۔ گس ءِ مردم آنی گوما تران کنان ءَ بنجاھی وزیر اھوالکاری ءَ گوشت کہ کیپٹن احمد بدر شہید مئے پھر انت۔ راج آوانی قربانی آناں اچبر بے ھیال نہ کنت۔ آئی ءَ گوشت کہ شہید آنی قربانی اچبر بے ھیال نہ بنت۔ بنجاھی وزیر ءَ گوشت کہ شہید ءِ پت ءَ یک بے دروریں پت ءِ درور نکش کتگ۔ وتی زھگ ءِ شہید بوھگ ءِ جوزگ ءِ درشان کتگ۔ سرجمیں اراج ایشی ءِ سر ءَ پھر کنت۔ ملک ءِ واستہ اے رنگیں جوزگ پیسر ءَ اچبر نہ دیستگ۔ آئیءَ گوشت کہ مرچی ما وتی گس آنی تہ ءَ ایمنی ءَ گوں نشتگ آآں گڈا ایش احمد بدر شہید ءِ قربانی آنی سبب انت۔ بنجاھی وزیر ءَ گوشت کہ حکومت ءُ پاک فوج ناشرکاری ءِ ھلاسی ءِ واستہ جزمینگ انت ءُ ایشرا چہ بن چلوک ءَ کشئت ءُ ھلا س کنت۔ آئی ءَ گوشت کہ سرجمیں راج منی زھگ ءِ شہید بوھگ ءِ جوزگ ءِ درشا ن کتگ ایشی ءَ چہ سرجمیں ملکءِ گوں دل ءِجھلانک آں شگر ءُ منت وار آں، ایشی ءَ چہ پیسر بنجاھی وزیر اھوالکاری عطا اللہ تارڑ آدینگ ءِ روچ ءَ راولپنڈی ءَ واکیہ کیپٹن احمد بدر شہد ءِ گس ءَ پج اتگ گڈا کیپٹن احمد بدر شہید ءِ پت کرنل ریٹائر ڈ بدر الدین ءُ ایندگر گس ءِ مردم آں گوں گند ءُ نند کت ءُ آئی ءَ را امباز کت ءُ شہید کیپٹن احمد بدر ءَ را توسیپ ءُ ستا پیش کت۔
