اسلام آباد۔5ستمبر (اے پی پی): نامداریں میاں اوستمانی ٹیکنالوجی کمپنی گوگل ءَ پاکستان ءَ 50 لکھ کروم بُک جوڑ کنگءِ گامگیج ءِ بندات کتگ، اے موہ ءَ مزن وزیر محمد شہباز شریف ءَ را اولی کروم بُک پیش کنگ بوتگ۔ پنچ شمبے ءِ روچءَ ’’اے گوگل پاکستان آگے بڑھو‘‘ ءِ مراگش ءَ گوں تران کتگ ءُ مزن وزیر محمد شہباز شریف ءَ میاں اوستمانی تک ءَ پاکستان ءَ گوگل ءِ کمک ءَ را ساڑاتگءُ گشتگ کہ آئی ءِ شریداری لکھ ستاہ کرز ایت۔ آئیءَ گشتگ کہ ملک ءِ ورناہ نسل انفارمیشن ٹیکنالوجی ءِ پڑءَ باز قابل اِنت کہ پاکستان ءِ معاشی دیمروئی ءَ بنکی کرد پیلو کنت۔ آئیءَ گشتگ کہ بنجاہی ءُ صوبائی حکومت وتی وانگءُ زانگ ءُوت واکی ءَ را برجم دا رگ ءِ ھاترءَ درائیں آسراتیاں کارمرزکناں۔ مزن وزیر ءَ گشتگ کہ حکومت ءَ آیوکیں پنچ سالاں آئی ٹی ایکسپورٹ ءِ ہدف 25 ارب ڈالر ایر کتگ کہ حاصل کنگ بنت۔ آئی ءَ آئی ٹی زانت کارءُ صنعت کاراں چہ گشتگ کہ آ کسانیں ءُ درنیامی درجگ ءِ بیپاری ادارگ ءُ فری لانسرز ءَ را دیمروئی دئیگ ءَ ہوار ہدف ءِ حاصل کنگءَ حکومتءِ کمک ءِ ھاترءَ یک منصوبہ پیش بہ کن اَنت۔ انفارمیشن ٹیکنالوجی و ٹیلی کمیونیکشین ءِ ملکی وزیر شزہ فاطمہ خواجہ ءَ گشتگ کہ پاکستان ءَ گوگل ءِ ازمت لکھ کرز اَنت، گوگل مزن وزیر شہباز شریف ءِ وژن ءِ ردءَ پاکستان ءِ ڈیجیٹلائزیشن ءِ حاسیں کرد پیلو کنگ ءَ ایں۔ آئی ءَ گشتگ کہ مارا وتی ورناہ آناں ہنر مند جوڑ کنگی ایں، 75 ہزار آئی ٹی گریجویٹ آنی ازمی آسراتیاناں گیش محکم کنگ ایں۔ سری لنکا ، بنگلہ دیش ءُ پاکستان ءِ ھاترءَ گوگل ءِ ریجنل ڈائریکٹر فرحان قریشی ءَ مراگشءَ گوں تران کتگءُ گشتگ کہ انفارمیشن ٹیکنالوجی ءِ سرءَ دلگوشی دیئگءَ چہ ملک ءَ معاشی سُرءُپُر گیش کنگءَ کمک رسیت۔ آئیءَ اے گپ ءِ سرءَ چمشانک داتگ کہ پاکستان ءَ فری لانسرز ءِ ھاترءَ ٹیکنالوجی ءِ بازیں پڑآن دیما رؤگءِ باز موہ اَست، گوگل ڈیٹا اینالیٹکس، مصنوعی ذہانت ءُ سائبر سکیورٹی ءِ سرءَ 4 ءَ چہ 6 ماہ وہدءَ را ساڑاتگ۔ اے موہ ءَ بنجاہی وزیر عطاء اللہ تارڑ ءُ بنجاہی وزیر احسن اقبال ہم ساڑی بوتگ۔اے موہ ءَ گوگل ءِ ریجنل ڈائریکٹر برائے پاکستان، بنگلہ دیش ءُ سری لنکا فرحان ایس قریشی ءَ مزن وزیر ءَ را اولی کروم بُک پیش کتگ۔
