راولپنڈی۔5ستمبر (اے پی پی): مزن وزیر شہباز شریف ءَ پاک لفوج ءِ آپریشنل تیاری آنی ھوالگ ءَ دل یکیمی ءِ درشان کتگ۔ آئی ایس پی آر ءِ رد ءَ مزن وزیر شہباز شریف ءَ پنچ شمبے ءِ روچ ءَ راولپنڈی ءَ آرمی وار گیم ءِگڈی شیشن ءَ بھر زوری کتگ۔ مزن وزیر ءَ استیں وار گیم ءُپاکستانی فوج ءِ توامیں استیں بیم آنی ھوالگ ءَ چہ آپریشنل تیاری آنی ھوالگ ءَ سرجمیں بریفنگ داتگ۔ وزیر دیمپانی ، وزیر ھزانگ ، وزیر ءِ اھوالکاری آرمی چیف ءُ کلانہ ایں اردی کارندہ ھم اے موہ ءَ ساڑی اتنت۔ مزن وزیر شہباز شریف ءَ پاکستان فوج ءِ آپریشنل تیاری آنی ھوالگ ءَ دل یکیمی ءِ درشان کتگ ءُ پڑ ءَ کشاں چیل آنی برجائی ءُ زر باری ایشیا ءَ ایمنی ءِ واستہ طاقت ءِ برجائی دارگ ءَ وتی سلاھ بندیں ارد ءِ کلیتی کرد ءَ را ساڑات۔ آئی ءَ کشاں چیل ءِ رنگ ءَ دژمن آنی پسو ءَ را دل یکیمی جوڑ کنگ ءُ گر ءُ دار ءِ نظام ءَ گیش مھکم جوڑ کنگ ءِ واستہ جوانیں کرد ءُ کار ءُ گہتری ءِ ءِ توسیپ کت۔ اردی سروک اں راجی وت مستری ءُ دمگی سالمیت ءِ رکھینگ ءِ وستہ وتی جزم ءِ درشان کتگ ءُ اے گپ سہرا کنگ بوت کہ پاکستان ءِ ارد استیں سیکورٹی جیڈح آناں جوانی ءَ گوں پسو کنگ ءُ کجام ھم کشاں چیل ءَ را وھد ءُ موہ ءِ سر ءَ پسور ککنگ ءَ ناکام جوڑ کنگ ءِ واستہ ازمکاری آناں یک شلی ءَ گیشی ء گوں جاڑی دار ائیت۔
