اسلام آباد۔5ستمبر (اے پی پی):چین پا کستان اقتصادی راہداری (سی پیک) ءِ جوڑیشت ءِ گوما وت جوڑیشتی ھیل کاری ءِ شوبگ ءَ چین ءُ پاکستان ءِ نیام ءَ کمک جھلانک بوھگ ءَ انت، پنچ شمبے ءِ روچ ءَ چینی میڈیا ءِ یک رپوٹے ءِ رد ءَ گوشگ بوتگ کہ چین پاکستان انٹیلیجنٹ سسٹمز لیبارٹری پاکستان ءَ جوانیں ٹریفک مینجمنٹ سسٹم ءُ انفراسٹرکچر مانیٹرنگ سسٹم وڑیں سمارٹ سٹی منصوبگ ءِ سر ءَ کار کنگ ءَ انت ءُ اے کمک آنی چیر دستی ءَ پاکستان ہیلتھ کیئر سسٹم ءِ کار کرد ءَ ر گہتر جوڑ کنگ ءَ ھم کمک رسیت۔ چین پاکستان کشت ءُ کشاری اے آئی لیبارٹری اسمارٹ کشت ءُ کشاری مشینری سامان آں ھوار نوکیں ٹیکنالوجی ءِ کارمرزی ءَ کنان ءَ کشت ءُ کشاری پیداوار ءِ کار کرد ءُ کشار ءِ پیداوار ءَ را گہتر جوڑ کنگ ءِ کوشست ءَ کنگ ءَ انت۔ استیں منصوبگ ناں ایوکک ءَ تکنیکی روگ ءُ آیگ ءُ ٹیلنٹ ءِ ھیل کاری آناں دیمروئی دیگ ءُ ھندیچاگردی ءُ معاشی دیمروئی ءَ را ودینگ ءَ انت بلکینگ ءَمیاں اوستمانی ھیل کاری ءِ دیمروئی میاں اوستمانی کمکآںی واستہ گران قیمتی تجروبت ءُ ماڈل آناں ھم پجاری کنت انت۔
