اسلام آباد۔5ستمبر (اے پی پی):نائب مزن وزیر ءُ وزیر ءِ درئی کار سینیٹر محمد اسحاق ڈار برطانیہ ءِ سرکاری تر ءُ تاب ءِ موہ ءَ برطانوی نائب مزن وزیر انجیلا ریز ءَ گوں گند ءُ نند کنت۔ اے گپ درئی کارانی کارگس ءِ ترجمان ممتاز زہرہ بلوچ ءَ اد ا پریس بریفنگ ءَ گوشگ بوت۔ آءیءَ گوشت کہ انائب مزن وزیر محمد اسحاق ڈار ءَ اے وھد ءَ سرکاری تر ءُ تاب ءَ برطانیہ ءَ انت۔ آئی ءَ برطانیہ ءِ وزیر ءِ درئی کار ، دولت مشترکہ ءُ دیمروئی کار ءِ: سیکرٹری ڈیوڈلیمی ءَ گوں گند ءُ نند کت ۔ گند ءُ نند ءَ یک مھکمیں پاکستان ۔ برطانیہ شریکداری، دراج بریں دو نیمگی ایجنڈا ءَ را دیم ءَ ودینگ ءُ یونائیٹڈ نیشن ءُ دولت مشترکیہ ءِ رد ءَ پاکستان۔ برطانیہ ءِ کمک ءَ چہ دیمروئی دیگ ءَ ارزشت آنی بابت ءَ ھیال ریچی کنگ بوت۔ ترجمان ءَ گوشت کہ نائب مزن وزیر سینیٹر محمد اسحاق ڈار پنچ شمبے ءِ روچ ءَ برطانیہ ءِ نائب مزن وزیر انجیلا ریز ءَ گوںگند ءُ نند ءَ ابید برطانوی پارلیمنٹ ءِ ممبر ءُ برطانیہ ءَ پاکستانی کمیونٹی ءِنماھندگ آں گوں گند ءُ نند کنت انت۔
