اسلام آباد۔5ستمبر (اے پی پی): درئی کارانی کارگس ءِ ترجمان ممتاز زہرہ بلوچ ءَ گوشتگ کہ مزن وزیر محمد شہباز شریف ءِ یونائیٹڈ نیشن ءِ جنرل اسمبلی ءِ آیوکیں دیوان ءَ بھر زوری گمان انت۔ پاکستان ھمک سال ءِ وڑ ءَ اے سال ءَ ھم بھارت ءِ گیر کانودی آوار جتگیں جموں کشمیر ءَ بھارتی ظلم ءُ زوراکی آں ھوار ایندگر جیڈھ آناں سہرا کنت۔ پنچ شمبے ءَ ادار پریس بریفنگ ءَ آئی ءَ بنگلہ دیش ءِ چیف ایڈوائزر محمد یونس ءِ بیانءِ پسو ءَ گوشتگ کہ پاکستان مدام بنگلہ دیش ءِ گوما مھکمیں یکوئی ءِ واھشت ایگ انت۔ آئی ءَ گوشت کہ دوئیں ملک آنی الس آںی نیام ءَ مھکمیں یکوئی است انت۔ ءُ دراج بریں کمک پڑ ءَ دمگی ایمنی ءُ دوستی ءَ گیش کمک سہرا بنت۔ ترجمان ءَ گوشتگ کہ پاکتسان ءُ چین باز کسی کمک آںی سبب ءَ سٹریٹیجک پارٹنر انت۔ پاکستان چین ءِ گوما وت مہو تی توامیں شوبگ آنی تہءَ دو نیمگی کمک آناں گیش مھکم جوڑ کنگ ءِو استہ جزمیگ انت۔ بھارتی وزیر برائے درئیکار ءَ جموں کشمیر ءِ بابت ءَ استیں بیان ءِ ھوالگ ءَ یک جستے ءِ پسو ءَ ترجمان ء َ پاکستان ءِبن گپ ءِ درشان کتگ ءُ کجام ھم لیکہ ءُ گپ ءَ را رد کنت ھمیشی ءِ کہ شو ر ءُ مشور کنگ بوتگ کہ جموں کشمیر ءِ کشاں چیل یک نیمگی رنگ ءَ منوگر بوتگ یا بوت کنت۔ آئیءَ گوشت کہ کشاں چیل جموں کمشیر یک میاں اوستمانی تک ءَ منوگریں کشاں چیل ءُ جیڈھ ات۔ ایشرا یونائیٹڈ نیشن ءِ سلامتی کونسل ءِ منوگری ءُ کشمیری الس آنی واھشت آنی رد ءَ گیواری کنگ لوٹ ائیت۔
